यवतमाळ : “बाबा मला माफ करा व स्वत:ची काळजी घ्या’, असे चिठ्ठीत लिहून तरुणाने विहिरीत उडी घेऊन आत्महत्या केली. ही घटना रविवारी घाटंजी तालुक्यातील मानोली ते आमडी रोडवर असलेल्या शेतशिवारात उघडकीस आली. सूरज मुरलीधर चावके (३०, रा. इस्तारीनगर खापरी, घाटंजी), असे मृताचे नाव आहे. आपल्या मुलाने तिघांच्या मानसिक त्रासाला कंटाळून आत्महत्या केल्याची तक्रार वडिलांनी पाच दिवसानंतर पोलिसांत दिली. त्यावरून पोलिसांनी तिघा जणांविरुद्ध गुन्हा दाखल केला.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

तिघांनी संगनमत करून तरुणाला त्रास दिला. हा जाच असह्य झाल्याने तरुणाने शेतातील विहीरीत उडी घेऊन आत्महत्या केली. आत्महत्या करण्यापूर्वी त्याने एक चिठ्ठी लिहिली आहे. त्या ‘बाबा मला माफ करा, स्वत:ची काळजी घ्या, असे लिहून ठेवले. पोलिसांनी ही चिठ्ठी जप्त केली आहे. मुलाच्या आत्महत्येस तिघे जण कारणीभूत आहे, या आशयाची तक्रार मृताचे वडील मुरलीधर चावके यांनी गुरुवारी घाटंजी पोलीस ठाण्यात दिली. त्यावरून विलास विश्‍वनाथ हिवराळे (५६, रा. इस्तारीनगर) या व्यक्तीसह अन्य दोघांविरुद्घ गुन्हा नोंदविण्यात आला. विलाससह अन्य दोघे आपल्या मुलाचा मानसिक छळ करत असल्यानेच त्याने आत्महत्या केल्याचा आरोप वडिलांनी केला आहे. घाटंजी पोलीस अधिक तपास करत आहेत.

आणखी वाचा