अनोळखी युवक-युवतीने भरवेगात असलेल्या विदर्भ एक्सप्रेस रेल्वेसमोर स्वतःला झोकून देत आत्महत्या केली. शेगाव रेल्वेस्थानक नजीकच्या शेगाव नागझरी लोहमार्गावर गुरुवारी रात्री उशिरा ही खळबळजनक घटना घडली.
हेही वाचा >>>भाजप नेते जमाल सिद्धीकी यांना जीवे मारण्याची धमकी
यासंदर्भात शेगाव लोहमार्ग पोलिसांनी दिलेल्या माहितीनुसार, शेगाव नागझरी लोहमार्गावर शेगावकडे येणाऱ्या गोंदिया मुंबई विदर्भ एक्सप्रेससमोर, रात्री साडेनऊ वाजेदरम्यान अनोळखी युवक-युवतीने उडी घेतली. यामुळे दोघांचे देह छिन्नविच्छिन्न झाले. प्राथमिक अंदाजानुसार युवक २५ तर युवती २० वर्षांची असल्याचा अंदाज आहे.
हेही वाचा >>> चंद्रपूर: रेल्वेच्या धडकेत वाघिणीचा मृत्यू
मृत युवकाचा चेहरा चेंदामेंदा झाला असून रंग निमगोरा आहे. त्याने निळ्या रंगाची पॅन्ट परिधान केली आहे. तरुणीचा रंग निमगोरा असून चेहरा गोल, सडपातळ बांधा असून तिने पोपटी रंगाची कुडती व काळ्या रंगाची लेगींज परिधान केले आहे. या मृतची ओळख पटवण्याचे आवाहन शेगाव लोहमार्ग पोलिसांसमोर आहे.