नागपूर: समाजमाध्यमांवर छायाचित्र प्रसारित करण्याची धमकी देऊन इन्स्टाग्रामवरील मित्राने विद्यार्थिनीशी अश्लील चाळे करून विनयभंग केला. ही घटना अजनी पोलीस ठाण्यांतर्गत घडली. पोलिसांनी १६ वर्षीय विद्यार्थिनीच्या तक्रारीवरून आरोपी तरुणावर गुन्हा नोंदविला आहे. ऋषी रमेश अडीकने (२०) रा. जगनाडे चौक असे आरोपीचे नाव आहे. डिसेंबर २०२१ मध्ये ऋषी आणि तरुणीची इन्स्टाग्रामवर मैत्री झाली. दोघांमध्ये ‘चॅटिंग’ सुरु होते. यातून तो तरुणीवर एकतर्फी प्रेम करू लागला. हेही वाचा. कोकणसह विदर्भातील काही जिल्ह्यांना आज ‘ऑरेंज अलर्ट’ शाळेत येता-जाताना तिचा पाठलाग करीत होता. मोबाईलने तिचे छायाचित्र काढत होता. याबाबत समजताच तरुणीने त्याला सर्व छायाचित्र ‘डीलिट’ करण्यास सांगितले. त्याने तिला होकार दिला आणि अजनी परिसरात भेटायला बोलावले. तेथे तरुणीचा हात पकडून तिच्याशी अश्लील चाळे केले. तसेच शारीरिक संबंध ठेवण्यासाठी दबाव टाकला. तरुणी घटनेबाबत कुटुंबीयांना माहिती देऊन अजनी ठाण्यात तक्रार दाखल केली. पोलिसांनी विनयभंगाचा गुन्हा नोंदवून ऋषीचा शोध सुरू केला आहे.
