बुलढाणा: समृद्धीवर पुन्हा अपघात….एक ठार, आठ जखमी; खाजगी बस दुभाजकाला धडकली

नागपूर येथून शिर्डीकडे जाणारी (एमएच ४०-सीडी-८३७६ क्रमांकाची )ट्रॅव्हल्स बस दुसरबीड नजीक दुभाजकाला धडकली. यात बसचा क्लिनर उल्हास दुबे हा ठार झाला. तसेच आठ प्रवासी जखमी झाले. महामार्ग पोलीसच्या सूत्रानुसार चालक मंगेश कुळवंते याला डुलकी लागल्याने अपघात झाला. चालक सध्या बेशुद्ध आहे. माहिती मिळताच एपीआय बकाल व त्याचे सहकारी घटनास्थळी दाखल झाले. त्यांनी जखमींना सिंदखेड राजा ग्रामीण रुग्णालयामध्ये दाखल केले. या बसमध्ये एकूण ३६ प्रवासी होते.