विरुद्ध दिशेने गाडी चालवाल तर थेट… नागपूरमध्ये ६० दिवसांत ६७ जण अपघातात ठार

रस्ते अपघात, दुर्घटना रोखण्यासाठी वाहतूक पोलीस नेहमीच प्रयत्नशील असतात. यासाठी वेळोवेळी वाहनचालकांमध्ये जनजागृतीही केली जाते. मात्र अनेकदा वाहन चालक वाहतुकीचे नियम मोडताना दिसतात. यामुळे रस्ते दुर्घटनेच्या घटना घडतात. यामुळे वाहतूक पोलिसांनी आता कठोर पावले उचलली आहेत. आता रस्त्याने राँग साईडने गाडी चालवल्यास कठोर कारवाई होणार आहे. राँग साईडने गाडी चालवल्यास गुन्हा करुन थेट लायसन्स रद्द करण्यात येणार येत आहेत.

हेही वाचा – ”संजय राऊत खोटे बोलताहेत”, प्रकाश आंबेडकरांचे विधान; म्‍हणाले, ”आधी भांडणे मिटवावीत…”

जानेवारी आणि फेब्रुवारी महिन्यांत तब्बल ६७ जणांना रस्ते अपघातात जीव गमवावा लागला. मृत्यू पावणाऱ्यांमध्ये रॉंग साईडने वाहने चालविणाऱ्यांचे प्रमाण अर्धेअधिक होते. अपघातात मृत्यू पावणाऱ्यांच्या संख्येत घट व्हावी यासाठी वाहतूक पोलिसांनी आक्रमक भूमिका घेतली असून आता रॉंग साईड वाहन चालविणाऱ्यांवर थेट पोलीस ठाण्यात गुन्हे दाखल करण्यात येत आहे. नवीन वर्षातील गेल्या ६० दिवसांत ६७ अपघाती मृत्यू म्हणजे दररोज एका जणाचा जीव रस्ते अपघातात गेला आहे. त्यामुळे पोलिसांनी गांभीर्य दाखवून रस्ते अपघातांवर नियंत्रण मिळविण्यासाठी थेट गुन्हे दाखल करण्याचा निर्णय घेतला आहे. पोलीस उपायुक्त शशिकांत सातव यांनी वाहतूक पोलिसांना आदेश देऊन नियमांची अंमलबजावणी सुरु केली आहे. ४ मार्चपासून विरुद्ध दिशेने वाहन चालविणाऱ्यांवर गुन्हे दाखल करण्याचा सपाटा वाहतूक पोलिसांनी लावला.

हेही वाचा – “चिंता करू नका, तुमचंच नाव फायनल होणार,” आघाडी, युतीच्या उमेदवारांना पक्षनेतृत्वाचे आश्वासन; संभ्रम वाढला !

परिणामत: आठवड्याभरात केवळ दोन प्राणांतिक अपघात झाले आहे. पोलिसांच्या आक्रमक भूमिकेचा वाहनचालाकांवर परिणाम दिसत असल्याने हे अभियान कायमस्वरुपी सुरु ठेवण्याचा निर्णय पोलिसांनी घेतला आहे. शहरात हत्याकांडापेक्षाही रस्ते अपघात मृत्यू पावणाऱ्यांची संख्या चौपट आहे. तरीही वाहनचालक वाहतुकीचे नियम पाळत नाहीत. तसेच सिग्नलवरही वाहने थांबवत नाहीत. विरुद्ध दिशेने वाहन चालविणाऱ्यांची संख्या वाढल्याचे निदर्शनास आल्यामुळे पोलीस आयुक्तांनी नागपुरात वाहन चालक वाहतुकीचे नियम सर्रास धाब्यावर बसवत असल्यामुळे शहरात अपघातांच्या प्रमाणात वाढ झाली आहे. शहरात अपघातांचे प्रमाण कमी करण्यासाठी वाहतूक पोलिसांकडून ही कारवाई सुरू करण्यात आली आहे. बहुसंख्य वाहन चालक ‘वन वे’ वर विरुद्ध दिशेने वाहन चालवून नियम पायदळी तुडवताना दिसतात. बेशिस्त वाहन चालकांच्या यादीत नागपूरकर आघाडीवर आहेत. त्यामुळे त्यांना शिस्त लावण्यासाठी वाहतूक पोलिसांनी गुन्हे दाखल करण्याच निर्णय घेतला आहे.