अ.भा. मराठी साहित्य संमेलनाची तयारी जोरात; वीस लाख वर्गफूट जागेचे नियोजन, ‘खाऊ गल्ली’ विशेष आकर्षण

ग्रंथ प्रदर्शनीसाठी सर्वांत मोठा भूभाग राखून ठेवण्यात येत आहे. साडेतीन लाख वर्गफुटात तीनशे स्टाॅल लागतील. त्याला लागूनच प्रकाशकांच्या दोनशे मालवाहू गाड्यांची व चालकांच्या जेवणाची व्यवस्था होणार आहे. सर्वसामान्य साहित्य संस्था प्रतिनिधींच्या जेवणाची व्यवस्था सव्वाचार लाख वर्गफुटात तर महत्त्वाच्या व्यक्तींच्या जेवणाचा मंडप चाळीस हजार वर्गफुटात साकारेल. मान्यवरांच्या जेवण मंडपातील प्रवेश काटेकोरपणे पाळल्या जाण्याबाबत विशेष दक्षता घेतल्या जाणार आहे.

हेही वाचा: नागपूर: सरकार दखल घेत नसल्यानेच लोकांवर मोर्चे काढण्याची वेळ; ज्येष्ठ अर्थतज्ज्ञ डॉ. श्रीनिवास खांदेवाले

जेवणासोबतच मान्यवर साहित्यिक मुलाखत किंवा भेट देऊ शकतील, अशा पैलूने नियोजन होणार. व्ही.आय.पी.वाहनतळ दीड लाख वर्गफुटात तर इतर निमंत्रितांचा तीन लाख वर्गफुटात करण्याचे नियोजन आहे. सर्वसामान्य रसिकांची वाहन व्यवस्था संमेलनस्थळापासून काही अंतरावरील लोक विद्यालयाच्या प्रांगणात असेल.संमेलनस्थळीच ‘खाऊ गल्ली’ म्हणून साठ हजार वर्गफुटात दर्दी खवय्यांची व्यवस्था करण्याचे ठरत आहे. या ठिकाणी विविध प्रादेशिक भागातील व्यंजने उपलब्ध करून देण्याचा प्रयत्न होणार आहे. संमेलनस्थळाला लागूनच दत्ता मेघे आयुर्विज्ञान विद्यापीठाचे चोवीस तास आरोग्य सेवा देणारे आरोग्य केंद्र तयार केले जाणार आहे. तसेच आपत्कालीन सेवा म्हणून १२० किलोवॅटचे सहा जनरेटर ठेवले जाणार आहेत.

हेही वाचा: मुख्यमंत्र्यांचे चोपदार गर्दीत धक्का लागून पडले खाली, शिंदे यांनी केली विचारणा…

या सर्व तयारीचा दैनंदिन आढावा जिल्हाधिकारी राहुल कर्डीले घेत आहेत. जिल्हा प्रशासन व संमेलन आयोजक यातील दुवा म्हणून काम पाहणारे अभियंता महेश मोकलकर हे सांगतात की, संमेलनस्थळाच्या विविध भागांची कागदोपत्री आखणे पूर्ण झाली आहे. मोठी जागा व्यापणाऱ्या ग्रंथदालन परिसराचा आकार वर्तुळाकार की आयताकृती घ्यायचा, याबद्दल चर्चा सुरू आहे. संमेलनस्थळी एकही वास्तू नसल्याने विशाल मंडपातच सर्व उपक्रम घेण्याचे आव्हान आहे. मात्र, ते लिलया पार पाडू, असा विश्वास मोकलकर व्यक्त करतात.