अकोल्यात निवडणुकीतील प्रचार शिगेला, शेवटच्या काही तासांत मतदारांपर्यंत पोहोचण्याची चढाओढ; तुल्यबळ तिरंगी लढतीची रंगत

अकोला : अकोला मतदारासंघात लोकसभा निवडणुकीतील प्रचार शिगेला पोहोचला आहे. जाहीर प्रचारासाठी शेवटचा काही तासांचा कालावधी शिल्लक असून मतदारांपर्यंत पोहोचण्याची उमेदवारांमध्ये चढाओढ लागली आहे. तुल्यबळ तिरंगी लढतीमुळे निवडणुकीत चांगलीच रंगत आल्याचे चित्र आहे.

आणखी वाचा

रविवार प्रचारवार; घरोघरी भेटी, गृहनिर्माण संकुलांना भेटी, चौक सभा यांना जोर

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

खरगेंच्या मुखी समर्थ रामदासांचा श्लोक, पण संजय राऊत निरुत्तर; जाहीरनामा प्रसिद्ध करताना नेमकं काय घडलं?

ब्रम्हपुरीत विजय वडेट्टीवार यांच्यासाठी सोपी लढत!

नोकरभरतीचा मुद्दा प्रचारात आणणारा काँग्रेस पक्ष तोंडघशी, चंद्रपूर जिल्हा बँकेतील नोकरभरतीला स्थगिती

“मरेपर्यंत पस्तावशील, हे लोक तुला…”, भाजपा आमदाराची भर सभेत अरेरावी; प्रश्न विचारणाऱ्यांना कार्यकर्त्यांनी हुसकावलं

मतदानाचा टक्का वाढविण्यासाठी ‘व्होट करेगा कुलाबा’ मोहीम; सामाजिक संघटना, सामाजिक कार्यकर्ते, निवृत्त अधिकाऱ्यांचा पुढाकार

भंडारा: साडेतीन तास लोटूनही मुख्यमंत्र्यांचा पत्ता नाही, लोकांचा सभास्थळाहून काढता पाय

अकोला लोकसभा मतदारसंघात शेवटच्या टप्प्यात प्रचार मोहिमेने जोर पकडला. १५ उमेदवार निवडणूक रिंगणात असून परंपरेनुसार तिहेरी लढत आहे. भाजपचे अनुप धोत्रे, काँग्रेसचे डॉ. अभय पाटील व वंचित आघाडीचे राष्ट्रीय अध्यक्ष ॲड. प्रकाश आंबेडकर यांच्यामध्ये अटीतटीचा सामना दिसून येतो. गेल्या दोन निवडणुकांमध्ये धार्मिक रंग चढल्याने भाजपने एकतर्फी बाजी मारली. यंदा दोन प्रमुख उमेदवार मराठा समाजाचे असल्याने मोठ्या प्रमाणावर मतविभाजन होणार असल्याचे निश्चित आहे. जातीय राजकारण व मविभाजनावर निवडणुकीतील विजयाचे गणित जुळून येईल. हे समीकरण जुळवून आणण्यासाठी उमेदवारांची धडपड सुरू आहे. मतदारसंघातील अनेक मुद्द्यावर ऊहापोह केला जात असून निवडणुकीच्या निमित्ताने राजकीय चर्चाचे फड रंगले आहेत.

आणखी वाचा-भाजपच्या बालेकिल्यातच शिंदे सेनेची दमछाक, आज मुख्यमंत्री एकनाथ शिंदे यांची वाशीममध्ये बाईक रॅली

तिन्ही उमेदवारांकडून जोरदार प्रचार मोहीम राबविण्यात आली. पहिल्या टप्प्यात प्रमुख उमेदवारांकडून मतदारांच्या भेटीगाठी, मेळावे, कॉर्नर सभा, बैठका घेतल्यानंतर शेवटच्या टप्प्यात जाहीर सभांवर भर दिला जात आहे. भाजपचे उमेदवार अनुप धोत्रे यांच्या प्रचारासाठी देशाचे गृहमंत्री अमित शहा यांच्यासह भाजप नेत्यांनी जाहीर सभा घेऊन मतदारांना साद घातली. काँग्रेस उमेदवार डॉ. पाटील यांच्या प्रचारासाठी काँग्रेसचे राष्ट्रीय सरचिटणीस मुकुल वासनिक, प्रदेशाध्यक्ष नाना पटोले यांनी प्रचारसभा घेऊन मदतारांना साकडे घातले आहे. ॲड. आंबेडकर प्रचार सभांच्या माध्यमातून मतप्रेरणी करीत आहेत. त्यांच्या प्रचारार्थ प्रा. अंजली आंबेडकर, सुजात आंबेडकर यांच्यासह वंचितचे पदाधिकारी व कार्यकर्ते मतदारसंघ पिंजून काढत आहेत. प्रचार यंत्रणेला यावेळेस आधुनिकतेची जोड मिळाल्याचे दिसून येते. समाजमाध्यमांतून देखील प्रचारयुद्ध चांगलेच पेटले. आता मतदार कुठल्या उमेदवारांच्या प्रचाराला प्रभावित होतो व कुणाच्या पारड्यात आपला कौल टाकतो, हे येणारा काळच स्पष्ट करू शकेल.

आणखी वाचा-लग्नाचे निमित्त झाले अन्… पतीने कुऱ्हाडीने सपासप वार करून पत्नी व मुलीला संपवले

अंतर्गत मोर्चेबांधणीचा जोर

जाहीर सभांमधून मतदारांमध्ये प्रचार करण्यासोबतच छुप्या व अंतर्गत मोर्चेबांधणीवर देखील तिन्ही उमेदवारांसह राजकीय पक्षांनी जोर दिला आहे. समाजाचे नेते, विविध घटकांचे प्रमुख यांच्या बैठका घेऊन गठ्ठा मतदान आपल्याकडे वळवण्याचे प्रयत्न उमेदवारांकडून सुरू आहेत. मतदारसंघात मतविभाजन निर्णायक ठरण्याची चिन्हे आहेत.