अमरावती : अकरावीच्या विद्यार्थ्याने छापल्या पाचशेच्या बनावट नोटा

परतवाडा शहरातील एका किराणा दुकानात सदर मुलाने पाचशे रुपयांची नोट देत ४५ रुपयांचे चॉकलेट खरेदी केले. दुकानदाराला मुलाने दिलेल्या पाचशेच्या नोटेबाबत संशय आल्याने त्यांनी त्याला विचारणा केली असता, त्याने ही नोट ‘एटीएम’मधून काढल्याची माहिती दिली. दुकानदाराने या अल्पवयीनाला आधार कार्ड मागितले असता त्याने काढून दिले. त्यावर त्याचे नाव व पत्ता नमूद होता. मात्र, आधार कार्ड काढताना त्याच्या खिशातून एकाच नंबरच्या आणखी दोन पाचशे रुपयांच्या नोटा मिळून आल्या. बिंग फुटत असल्याने मुलाने पळ काढला. याबाबत किराणा दुकानदाराने पोलिसांना माहिती दिली आणि तीनही बनावट नोटा सोपविल्या.

आणखी वाचा

मुलाने चक्क मोबाइल सोडला आणि अभ्यासाला बसला! पालकांनी केलेला ‘हा’ प्रयोग पाहून तुम्हीही व्हाल चकित, पाहा VIDEO

Madhuri Dixit : डर चित्रपट माधुरी दीक्षितने का…

हास्यतरंग : कापडाच्या दुकानात…

‘साने गुरुजींची जीवनगाथा’ आता ‘श्रवणीय’

ऐतिहासिक केंब्रिज युनियनच्या अध्यक्षपदी भारतीय विद्यार्थिनीची निवड; कोण आहेत अनुष्का काळे?

हास्यतरंग : जेवण करून…

“अपघातात वडील वारले अन्…” चिमुकल्याने सांगितली व्यथा; विद्यार्थ्यांसह शिक्षकही रडले, पाहा VIRAL VIDEO

‘२०० रुपये जास्त मागितले, माराहाण करण्याची दिली धमकी’, रिक्षावाल्याने २० वर्षीय तरुणाला छळले, धक्कादायक घटनेचा Video Viral

पोलिसांनी घटनेची गंभीर दखल घेत मुलाच्या आधार कार्डावर असलेल्या पत्त्याच्या अनुषंगाने शोध घेतला. दरम्यान, या मुलाचे वडील शिकवणी वर्ग घेत असून पोलिसांनी शिकवणी वर्गाची झडती घेतली असता तेथे बनावट नोटा छापण्याचे साहित्य आढळून आले. बनावट नोटेवर खऱ्या नोटांप्रमाणे अक्षर, चित्र स्कॅन व्हायचे मात्र खऱ्या नोटेवर असलेले महात्मा गांधी यांचे वॉटरमार्क बनावट नोटेवर नव्हते. पोलिसांनी बनावट नोटा छापण्यासाठी वापरलेले संगणक, कलर प्रिंटर, स्कॅनर, लेझर प्रिंटर व इतर साहित्‍य मिळून ३३ हजार १७५ रुपयांचा मुद्देमाल जप्त केला.

बनावट नोटा कशा तयार केल्या याबाबत त्याने पोलिसांना घटनास्थळी प्रात्‍यक्षिकही करून दाखवले. बनावट नोटा छापून त्या चलनात आणणाऱ्या अल्पवयीन मुलावर कारवाई करण्‍यात आली असून तो हे काम कधीपासून करीत होता, यात आणखी कुणाचा समावेश आहे का? या दृष्टीने तपास सुरू असल्‍याचे पोलिसांनी सांगितले.