नागपूर : दारू चोरून प्यायल्याच्या संशयावरून मजुराला पेटवण्याचा प्रयत्न ; नरखेड तालुक्यातील घटना

हेही वाचा : नागपूर : प्रेमी युगुलाने समाज स्वीकारणार नाही या भीतीपोटी केली आत्महत्या

२३ ऑगस्टला राजेश हा जीवनकडे मजुरीचे पैसे मागायला गेला. दरम्यान राजेशने दारू चोरून पिल्याची शंका जीवनला आली. त्यावर रागाच्या भरात जीवनने मजुराला (राजेश) माझी दारू चोरून का ढोसली,अशी विचारना करत चपलेने मारहाण केली. त्यानंतर राजेशची पॅन्ट खाली करून पार्श्वभागावर पेट्रोल टाकून पेटवून दिले. राजेशने कशीतरी आग विझवली. त्यानंतर तो प्रथम जवळच्या रुग्णालयात व त्यानंतर मेडिकलला उपचारासाठी गेला. त्याच्या तक्रारीवरून जलालखेडा पोलिसांनी जीवन पवारवर गुन्हा दाखल करून त्याला अटक केली आहे. त्याला न्यायालयात ४ सप्टेंबरपर्यंत पोलीस कोठडी सुनावली आहे. तर राजेश १० ते १५ टक्के जळाल्याने त्यावर मेडिकलचे तज्ज्ञ डॉक्टर उपचार करत आहेत.