नागपूर : इंस्टाग्रामवर तरुणीशी मैत्री करून तरुणाने लग्नासाठी दबाव टाकला. नकार दिला असता अश्लील चाळे करून धमकावले. या प्रकरणी अंबाझरी पोलिसांनी २९ वर्षीय पीडितेच्या तक्रारीवरून गुन्हा नोंदवत आरोपीला अटक केली आहे. गौरव बृजेश पांडे (२१) रा. पिटेसूर, असे अटकेतील आरोपीचे नाव आहे.
हेही वाचा – चंद्रपूर : ४७३ गावांना ५९ हजार ४५९ हेक्टर वनहक्क दावे प्राप्त
हेही वाचा – नागपूर : खळबळजनक..! संशयातून पत्नीने पतीवर फेकले अ‍ॅसिड
याच वर्षी ऑक्टोबर महिन्यात तरुणीची इंस्टाग्रामवर गौरवशी ओळख झाली होती. ओळखीचे रुपांतर मैत्रीत होऊन दोघांच्या भेटीगाठी सुरू झाल्या. गौरवने स्वत:बद्दल खोटी माहिती देऊन तरुणीला जाळ्यात अडकवले. तिच्यासमोर लग्नाचा प्रस्ताव ठेवला. तरुणीनेही त्याला होकार दिला. मात्र काही दिवसानंतर गौरवने स्वत:बद्दल खोटे सांगितल्याचे तरुणीला समजले. तिने त्याच्यापासून दुरावा करीत बोलचाल बंद केली. यामुळे गौरव चिडला. तो तरुणीला धमकी देत होता. शिविगाळ करून तिच्याशी अश्लील चाळे केले. तरुणीने घटनेची तक्रार पोलिसात केली. पोलिसांनी गुन्हा नोंदवून गौरवला अटक केली.
