नागपूर: संतप्त शेतकऱ्यांनी कोल वॉशरीज बंद पाडली; पर्यावरणाचे नियम धाब्यावर बसवल्याचा आरोप

महानिर्मितीला धुतलेला कोळसा पुरवण्यासाठी महाराष्ट्र राज्य खनिकर्म महामंडळाद्वारे एका खासगी कंपनीला कोल वॉशरीजचे काम देण्यात आले. या कंपनीची एक वॉशरीज एसंबा गावात आहे. या वॉशरीजकडून पर्यावरणबाबतच्या सूचनांची पायमल्ली होत असल्याने परिसरातील ६०० हेक्टर शेतजमीन प्रदूषित झाली आहे. त्यामुळे संतप्त शेतकऱ्यांनी वाॅशरीज बंद पाडली. यावेळी मजुरांना बाहेर काढल्यावर शेतकरी व मजुरांमध्ये धक्काबुक्की झाली. दरम्यान येथे आमदार सुनील केदार पोहचले. त्यांनी प्रदूषण मंडळाच्या वरिष्ठ अधिकाऱ्यांना जाब विचारला.