नागपूर : जिल्ह्यात २४ तासांत १३८ नवीन करोनाग्रस्त आढळले. एकीकडे रुग्ण वाढत असतानाच रुग्णालयात दाखल होणाऱ्या रुग्णांची संख्याही आठ दिवसांत २० वर गेल्याने चिंता वाढली आहे. नागपूर जिल्ह्यात १ जुलैला गंभीर रुग्णांची संख्या १३ होती.८ जुलैला ती २० वर गेली. एकूण दाखल रुग्णांपैकी ९ रुग्ण मेडिकल, १ मेयो, २ किंग्जवे रुग्णालय, १ वोक्हार्ट रुग्णालय, १ सेंट्रल क्रिटिकल केअर, १ ऑरेंज सिटी रुग्णालय, १ स्टार सिटी रुग्णालय, १ रेल्वे रुग्णालय, ३ मेडिट्रिना रुग्णालयात उपचार घेत आहेत.दरम्यान, दिवसभरात शहरात १०९, ग्रामीणला २९ असे एकूण १३८ नवीन करोनाग्रस्त आढळले.
सक्रिय रुग्णसंख्या ७१८
शुक्रवारी शहरात सक्रिय रुग्णसंख्या ५०८, ग्रामीण मध्ये २१० अशी एकूण ७१८ रुग्ण एवढी नोंदवली गेली. सकारात्मक अहवालाचे प्रमाण ६ टक्केहून अधिक दिवसभरात १ हजार ४२४, ग्रामीणला ८१२ अशा एकूण २ हजार २२६ संशयितांची चाचणी झाली. त्यातील १३८ रुग्णांमध्ये करोनाचे निदान झाले. चाचण्यांच्या तुलनेत सकारात्मक अहवालाचे प्रमाण ६.१७ टक्के आहे. शहरातील प्रमाण ७.६५ टक्के तर ग्रामीणमध्ये ५.५७ टक्के आहे.
