आता वीस रुपये घ्या, जिंकून आल्यास नोट दाखवून हजार न्या…गोंदियात उमेदवाराचे अफलातून आमिष…

गोंदिया विधानसभेतील एका मोठ्या पक्षाच्या उमेदवाराने आपल्या समर्थकामार्फत मतदारांच्या घरोघरी जाऊन आपल्याला मते मिळावी म्हणून २० रुपयाच्या नोट टोकन मनी म्हणून दिल्या आहेत. आता ही वीस रुपयांची नाेट घ्या, जिंकून आल्यास या वीस रुपयाच्या नोटच्या मोबदल्यात हजार रुपये न्या, असे आमिष दाखविण्यात आल्याची चर्चा आहे. निवडणुकीत “कत्ल की रात्र” समजल्या जाणाऱ्या मतदानाच्या पूर्वसंध्येला गोंदिया विधानसभा मतदार संघातील ग्रामीण परिसरात अशाप्रकारे २० रुपयांचे नोट वाटण्यात आले.

आणखी वाचा

“कोण होणार मुख्यमंत्री?” शिंदे की फणडवीस? कोणाचा पक्ष मारणार बाजी? ज्योतिषतज्ज्ञांनी सांगितली भविष्यवाणी

Ladki Bahin Yojna : लाडक्या बहिणींना २१०० रुपयांसाठी…

दिल डूबा दिल डूबा गाण्यावर तरुणीचा अश्लील डान्स; स्टेजवरच टी-शर्ट काढलं अन्…VIDEO पाहून नेटकरी भडकले

रत्नागिरी : गुहागर अंजनवेल जेटीवर डिझेल तस्करी करणाऱ्या नऊ जणांना पकडले, दोन कोटीपेक्षा जास्त किमतीचा मुद्देमाल जप्त

अहेरीत आत्राम काका-पुतण्यात थेट लढत? अपक्षांमुळे प्रस्थापितांच्या मनात धाकधूक…

अन्यथा मते मागायला येणार नाही, असे उपमुख्यमंत्री अजित पवार का म्हणाले !

“आधी मणिपूर ‘सेफ’ करा आणि मग…”; उद्धव ठाकरेंच्या शिवसेनेचं मोदी सरकारवर टीकास्र!

हेही वाचा…चंद्रपूर जिल्हा बँकेतील ३६० पदांच्या भरतीला पुन्हा स्थगिती; कारण…

चर्चेच्याच माध्यमातून यासंदर्भातील माहिती गोंदिया शहरातील मतदारापर्यंत पोहोचली. त्यामुळे गुरुवारी सकाळपासूनच या २०च्या नोटच्या टोकनची चर्चा गोंदिया शहरात सुरू आहे. गोंदिया विधानसभेसाठी २० नोव्हेंबर रोजी झालेल्या मतदानात गोंदिया विधानसभेत ८१ टक्के मतदारांनी आपल्या मताचा हक्क बजावला. यानंतर गोंदिया विधानसभा मतदारसंघातील ग्रामीण परिसरात मतदारांना दिलेल्या वीसच्या नोट चर्चा सुरू झाली. गोंदिया विधानसभेतील एका मोठ्या पक्षाच्या उमेदवाराने आपल्या समर्थकामार्फत मतदारांच्या घरोघरी जाऊन आपल्याला मते मिळावी म्हणून २० रुपयांच्या नोटा टोकन मनी म्हणून वाटल्याची ही चर्चा आहे. आता ही वीस रुपयांची नाेट घ्या, जिंकून आल्यास तीच नोट दाखवा व तिच्या मोबदल्यात हजार रुपये न्या, असे आमिष मतदारंना दाखविण्यात आल्याचे सांगितले जात आहे.

हेही वाचा…भाजप आमदार दादाराव केचेंवर पक्षविरोधी काम केल्याचा ठपका ? पण, केचे म्हणतात…

परंतु, ज्या उमेदवाराने हे आमिष दाखवले तो खरच आपला शब्द पाळणार का?असे आमिष दाखवणारा उमेदवारच पराभूत झाला तर हजार रुपये मिळणार कसे? निकालाच्या किती दिवसानंतर ही वीसची नोट दाखवल्यावर त्या मोबदल्यात मतदारंना हजार रुपये मिळतील? समजा उमेदवार निवडून आला आणि त्याला ही वीस रुपयाची नोट दिली. पण, त्याने त्या मोबदल्यात हजार रुपये देण्यास नकार दिला तर तक्रार करायची कुठे…, असे अनेक प्रश्न मतदारंच्या मनात निर्माण झाले आहेत. याची उत्तरे अद्याप सापडली नसली तरी वीसच्या बदल्यात हजार मिळणार याचा मात्र अनेकांना आनंंद झालेला आहे.