नाईक तलाव परिसरात पैशाच्या पाकीटांचा साठा… काँग्रेसचे कार्यकर्ते…

पैशाच्या पाकीटाची घटना घडल्यावर या भागात मोठ्या संख्येने भाजपचे कार्यकर्ते भगवा दुपट्टा घालून जमल्याने तणाव निर्माण झाला होता. पाचपावली पोलीस ठाण्याकडून मिळालेल्या माहितीनुसार, या भागात काही तरुणांकडून पैशाचे पाकीट वाटल्या जात असल्याची तक्रार मिळाली. त्यानुसार पोलिसांनी एका तरुणाला ताब्यात घेतले. या तरुणाकडून प्रत्येकी एक हजार रुपयांचे दहा पाकीटे जप्त केली गेली. हे तरुण काँग्रेसचे असल्याचे बोलले जात आहे. या प्रकरणात गुन्हा दाखल करण्याची प्रक्रिया सुरू आहे.

नक्की वाचा

Solapur South : “प्रणिती शिंदेनी भाजपासह हातमिळवणी केली, शिंदेंनी केसाने गळा कापला, आता..” उद्धव ठाकरेंच्या शिवसेना नेत्याचे प्रहार

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

बिटकॉइन घोटाळा प्रकरणी ईडीची मोठी कारवाई; सुप्रिया सुळेंच्या कथित ऑडिओ क्लिपमध्ये नाव असलेल्या व्यक्तीच्या घरावर धाड

Devendra Fadnavis: “आवाज सुप्रिया सुळेंसारखा, पण…”; फडणवीसांची बिटकॉइन घोटाळा ऑडिओ क्लिपवर प्रतिक्रिया

“उद्धव ठाकरेंसारखा माणूस राजकारणात सापडणार नाही”, सदा सरवणकरांच्या नावाने पोस्ट व्हायरल; स्वत: स्पष्टीकरण देत म्हणाले…

Maharashtra Vidhan Sabha Exit Poll Live : मतदानाची वेळ संपली, महाराष्ट्रात कोणाचं सरकार येणार? थोड्याच वेळात एक्झिट पोल समोर येणार

Manoj Jarange : “मराठे निवडणूक लढवणार नाहीत, कारण एका जातीवर…”; मनोज जरांगेंची मोठी घोषणा

Shrinivas Vanga: ‘आधी रडले, ठाकरेंना देव म्हणाले’, घरी परतल्यावर आमदार श्रीनिवास वनगांचे सूर बदलले; म्हणाले, “एकनाथ शिंदे…”

हेही वाचा…मेळघाटातील सहा गावांचा मतदानावर बहिष्‍कार, ‘हे’ आहे कारण…

दरम्यान घटनेनंतर या परिसरात मोठ्या प्रमाणात बघ्यांची गर्दी जमल्याने तणाव निर्माण झाला होता. परंतु पोलिसांनी बंदोबस्त वाढल्यावर तणाव निवळला. दरम्यान काँग्रेस उमेदवार बंटी शेळके यांनी या प्रकरणावर म्हणाले की, मतदानाच्या दिवशी महालमधील सी. पी. ॲन्ड बेरार महाविद्यालयात शासकीय अधिकारी प्रवीण दटके यांच्या फोटोच्या चिठ्ठीवर मतदारांना चिठ्या देत होते. हा प्रकार आम्ही समाज माध्यमांवर टाकला. त्यानंतर छत्रपती महाविद्यालयातही केंद्रीय मंत्री गडकरी यांचे स्विय सहाय्यकांनी हा प्रकार केला. तेही पकडल्या गेल्यावर पुन्हा हे करणार नसल्याचे आम्ही समाज माध्यमांवर टाकले. या प्रकरणाचा वचपा काढण्यासाठी नाईक तलाव परिसरातील काँग्रेस कार्यालयात भाजप कार्यकर्त्यांनी खिडकीतून हे पैशाचे पाकीट टाकल्याचा आमचा संशय आहे. येथे काँग्रेसकडून साध्या खुर्चा- टेबलांची सोय नसतांना आमच्याकडे पैसे कुठून येणार, हा प्रश्नच आहे. पराभव पुढे दिसत असल्याने भाजपकडून हा प्रकार केल्या जात असल्याचा आरोपही बंटी शेळके यांनी केला.

हेही वाचा…गडचिरोलीत १११ वर्षाच्या आजीचे उत्साहात मतदान, तरुण मतदारांना…

मध्य नागपुरात तिरंगी लढत

मध्य नागपुरातून काँग्रेस पक्षाकडून बंटी शेळके तर भाजपकडून प्रवीण दटके उमेदवार आहे. तर हलबा समाजाकडून येथे अपक्ष म्हणून रमेश पुणेकर यांना उभे करण्यात आले आहे. या मतदार संघात सध्या या तिघांमध्ये प्रमुख लढत आहे. मुस्लिम व हलबा बहुल असलेल्या या मतदारसंघात पूर्वी काँग्रेसचे अनिस अहमद निवडून येत होते. भाजपने येथून हलबा समाजाचे विकास कुंभारे यांना उमेदवारी देत हलबांचे सर्व प्रश्न सोडवण्याचे आश्वासन दिले. त्यानंतर मागील पंधरा वर्षांपासून येथून भाजपचे विकास कुंभारे विजयी होत होते.