जे.पी. नड्डा यांचा दहा दिवसांत दुसऱ्यांदा नागपूर दौरा रद्द

भारतीय जनता युवा मोर्चाच्या अधिवेशनासाठी ४ मार्चला नड्डा नागपूरला येणार होते. दिल्लीत ऐनवेळी पक्षाची बैठक ठरल्याने त्यांचा नागपूर दौरा रद्द झाला होता. केंद्रीय मंत्री स्मृती इराणी, केंद्रीय मंत्री नितीन गडकरी, उपमुख्यमंत्री देवेंद्र फडणवीस यांच्या प्रमुख उपस्थितीत हा मेळावा पार पडला. मेळाव्याला मोठ्या संख्येने भाजप कार्यकर्ते उपस्थित होते.

हेही वाचा…फडणवीस यांनी घेतली गडकरी यांची नागपुरात भेट

आता १५ व १६ मार्चला नागपुरात राष्ट्रीय स्वंयसेवक संघाची प्रतिनिधी सभा होत आहे. त्याच्या पूर्वसंध्येला म्हणजे १४ तारखेला रात्री भाजपचे राष्ट्रीय अध्यक्ष जे.पी. नड्डा नागपूरला येणार होते. पण याही वेळी काही कारणास्तव त्यांचा दौरा रद्द झाल्याचे भाजपच्या कार्यालयाकडून सायंकाळी सांगण्यात आले. आता ते १६ तारखेला येणार आहेत. ते संघाच्या प्रतिनिधी सभेत सहभागी होण्याची शक्यता आहे.