नागपूर : भाजपने आता राठोड यांची माफी मागितली पाहिजे – प्रवीण कुंटे पाटील

एका महिलेच्या मृत्यूप्रकरणी आरोप झाल्यानंतर राठोड यांना महाविकास आघाडी सरकारमधून राजीनामा द्यावा लागला होता. शिंदे-फडणवीस सरकारमध्ये त्यांना मंत्रिपद मिळाले आहे. त्यावरून कुंटे पाटील यांनी टि्वट करत भाजपवर तोफ डागली आहे. भाजप महिला विरोधी पक्ष आहे. समाजात सुमारे ५० टक्के महिला आहे. पण, एकाही महिलेचा मंत्रिमंडळात समावेश झाला नाही. अनेक वादग्रस्त आमदारांना मंत्रिमंडळात घेतले. एवढेच नव्हे तर ज्यांच्यावर आरोप केले, त्यांनाच मंत्रिमंडळात घेतले आहे. यातून भाजप सत्तेसाठी कोणत्याही स्तराला जाऊ शकतो, हे स्पष्ट होते.