विजयाचे लक्ष्य, म्हणून बंडखोरी थंड करण्याचे भाजपचे प्रयत्न

उमेदवारीपूर्व मेळावा घेण्याची घोषणा आमदार दादाराव केचे यांनी केली अन् भाजप ज्येष्ठ हडबडून गेले. त्यावेळी आर्वी मतदारसंघसाठी अधिकृत उमेदवार भाजपने जाहीर केला नव्हता.

BJPs efforts to stop the Rebellion therefore aim for victory

आयुष्यात प्रथमच चार्टर विमानात बसून थेट अमित शहा यांच्या भेटीला जाण्याचा योग केचेंना फळला.(लोकसत्ता टीम)

लोकसत्ता टीम

वर्धा : उमेदवारीपूर्व मेळावा घेण्याची घोषणा आमदार दादाराव केचे यांनी केली अन् भाजप ज्येष्ठ हडबडून गेले. त्यावेळी आर्वी मतदारसंघसाठी अधिकृत उमेदवार भाजपने जाहीर केला नव्हता. पण केचे हे परतीचे दोर कापून बंडखोरी करू शकतात हे हेरून हालचाली झाल्यात. उपमुख्यमंत्री देवेंद्र फडणवीस यांनी केचेंना भेटीस बोलावले. भेट झाली आणि केचे म्हणाले की फडणवीस यांनी सगळे काही व्यवस्थित होईल, तू पहिले मेळावा रद्द कर, व तसा जाहीर मेसेज मला वॉट्सअप कर, असे सांगितल्याचे केचे म्हणाले. केचेंनी तसेच केलेही. विशेष म्हणजे केचे या घडामोडी पत्रकारांसोबत शेअर पण लगेच करीत. म्हणजे भाजप कर्त्याधर्त्यांनी गोपनीय केलेली चर्चा सार्वजनिक करीत केचे दबावाचे राजकारण करीत असल्याचे दिसून येत होते. पण केचे शांत होणारच, अशी खात्री भाजप वर्तुळ देत होतेच. त्यामागचे कारण एका वरिष्ठ नेत्याने उलगडले.

नक्की वाचा

Congress Candidates List : मविआच्या जागा वाटपात काँग्रेस शंभरी पार, सम-समान फॉर्म्युल्यावर प्रश्नचिन्ह!

शरद पवारांचं राज ठाकरेंना आव्हान; जातीयवादाच्या टीकेवर म्हणाले,…

Maha Vikas Aghadi finalises seat sharing for Maharashtra

अखेर मविआचे ठरले! काँग्रेस १०५, ठाकरे ९५, शरद पवार ८५

MP Amar Kale is successful in bringing candidature for his wife Mayura Kale in Arvi Assembly Constituency

स्वत: खासदार झाले, आता आमदारकीसाठी पत्नीला तिकीट… काँग्रेसच्या स्वप्नांवर पाणी फेरून…

Maharashtra Eknath Shinde Shivsena 1st candidate list 2024 for Legislative Assembly Election 2024 in Marathi

Eknath Shinde Shivsena Candidate List 2024 : मुख्यमंत्री एकनाथ शिंदेंनी जाहीर केली शिवसेनेच्या उमेदवारांची पहिली यादी, बंडात साथ दिलेल्या किती आमदारांना संधी?

nagpur district thackeray shiv sena chief devendra godbole resigned from his post

ऐन निवडणुकीच्या तोंडावर ठाकरे गटाच्या जिल्हाप्रमुखाचा राजीनामा

division of votes in vidarbha constituencies

विदर्भात मतविभाजनासाठी ‘उदंड झाले अपक्ष’; ‘हरियाणा पॅटर्न’ची चर्चा

‘पुणे पॅटर्न’चा शाप!

राष्ट्रवादीचे खासदार अमर काळे हे पत्नी मयुरा काळे हिलाच उमेदवारी मिळावी म्हणून राष्ट्रवादी शरद पवार व काँग्रेसकडे हट्ट धरून बसले असल्याची बाब एव्हाना सार्वजनिक झाली होती. पत्नीसाठी उमेदवारी त्यांनी खेचून आणताच भाजप वर्तुळणे मग केचेंवर अधिक फोकस केला. केचे यांच्या उमेदवारीपेक्षा सुमित वानखेडे यांचे असणे यामागे असलेले सूत्र अधिक प्रभावी ठरले. विद्यमान आमदार बदलून नवा उमेदवार दिल्यास फायदा होण्याची शक्यता अधिक. त्यातच खासदार काळे यांचे नॉट रिचेबल प्रकरण नाराजीचे कारण ठरत असल्याची चर्चा. परत अन्य निष्ठावंत नेत्यांना डावलून पत्नीसाठी त्यांनी आणलेली उमेदवारी भाजपसाठी विजयाची संधी ठरू शकते म्हणून मग नवा उमेदवार देत केचे यांना येणकेन प्रकार घरी बसविण्याचे डाव प्रभावी करण्यात आले, असे म्हटल्या जाते.

आणखी वाचा-विदर्भात मतविभाजनासाठी ‘उदंड झाले अपक्ष’; ‘हरियाणा पॅटर्न’ची चर्चा

लोकसभा निवडणुकीत खासदार पराभूत झाल्याने नवा गडी द्यायचे पक्के झालेच होते. खासदार तडस यांना बदलून सागर मेघे यांना उमेदवारी दिली असती तर वेगळा निकाल दिसला असता, असा सूर काहींनी काढला. केचे म्हणत की जे मला देण्याचे आश्वासन तुम्ही देता तेच त्याला ( वानखेडे ) का देत नाही. पण केचे बदलून आर्वीत नवा गडी देण्याचा डाव खूप पूर्वी आकारास येत होता. मी उमेदवार, असा चकार शब्द वानखेडे यांनी कधी काढला नव्हता. भाजपचा लोकसभेत पराभव झाला आणि वानखेडेच लढणार हे पक्के झाले.

आणखी वाचा-अपक्ष उमेदवारी अर्ज भरणाऱ्या इच्छुकांसमोर अनामत रक्कम वाचविण्याचे मोठे आव्हान

आघाडीने उमेदवार बदलला, आपणही बदलू, अशी रणनीती पक्की झाली. त्यातच खासदार पत्नीचा पराभव करण्याचे टार्गेट पूर्ण करण्यास काही भाजप विरोधी पण मदत करतील, हे गृहीत धरण्यात आले. आयुष्यात प्रथमच चार्टर विमानात बसून थेट अमित शहा यांच्या भेटीला जाण्याचा योग केचेंना फळला. अन्यथा मोदी यांच्या सभेत मागच्या रांगेत गेलेल्या केचेंना शहा यांच्या दिवाणखान्यात बसण्याची संधी कधीच मिळाली नसती.

Web Title: Bjps efforts to stop the rebellion therefore aim for victory pmd 64 mrj