बुलढाणा: उष्माघाताचा २१ ग्रामस्थांना फटका, महिलांचे प्रमाण दुप्पट

बुलढाणा तालुक्याच्या तुलनेत इतर १२ तालुक्यांचे तापमान जास्त असते. प्रामुख्याने घाटाखालील खामगाव, मलकापूर, शेगाव, जळगाव, संग्रामपूर तालुक्यातील तापमान ४२ डिग्रीच्या आसपास रेंगाळते. अंगाची लाहीलाही करणाऱ्या या तापमानात दक्षता न घेणाऱ्या व्यक्तींना उष्माघाताचा फटका बसतो.

आणखी वाचा

केसगळतीचे रुग्ण दोनशेच्या घरात; ‘आयसिएमआर’चे पथक शेगावात…

…तर औषधाची गरजच नाही! वाचा निरोगी आयुष्य जगण्यासाठी…

५ वर्षात वसई, भाईंदर मध्ये दिड हजार जणांच्या आत्महत्या;२०२४ मध्ये गळाफास घेऊन सर्वाधिक आत्महत्या

हवामान प्रकोपाचे गतवर्षांत देशात २४०० बळी, जाणून घ्या, उष्णतेच्या झळांची स्थिती काय

नाशिकमध्ये नायलाॅन मांजामुळे युवकाचा मृत्यू

वातावरणातील बदलांमुळे साथींचे आजारही बारमाही? हिवताप, डेंग्यू, लेप्टो, इन्फ्लुएन्झाचा धोका सदासर्वकाळ?

ला निना सक्रिय… रब्बी पिकांना फायदा? पण परिणाम अल्पकालीनच?

हिवाळ्यात एक-दोन आठवडे आणि एक महिना सूर्यप्रकाशापासून दूर राहिल्यास काय होईल? तज्ज्ञांनी केला खुलासा…

हेही वाचा – “अब्दुल गफ्फार खान यांना गांधीनिष्ठेचे मोल चुकवावे लागले,” प्रा. सुरेश द्वादशीवार यांचे मत; म्हणाले…

यंदा १ मार्च ते ९ मे २०२४ दरम्यान २१ ग्रामस्थांना याचा फटका बसल्याची नोंद आहे. यंदा तापमानाची तीव्रता जास्त असल्याने अगदी मार्च मध्येच उष्माघाताचा फटका बसल्याचे दिसून आले. शेगाव तालुक्यातील आडसूळ प्राथमिक आरोग्य केंद्रात २७ मार्चला २ महिलांना भरती करण्यात आले. एप्रिल महिन्यात याचे प्रमाण वाढले असून मे मध्येही रुग्ण आढळून आले. ९ मे अखेर एकूण २१ रुग्णांवर उपचार करण्यात आल्याचे आरोग्य विभागाच्या वरिष्ठ सूत्रांनी सांगितले. यामध्ये खामगाव तालुक्यातील ८, शेगाव ४, बुलढाणा १, मेहकर ५, लोणार १ आणि सिंदखेडराजा तालुक्यातील २ जणांचा समावेश आहे.

महिलांचे लक्षणीय प्रमाण

दरम्यान या रुग्णात महिलांचे प्रमाण दुप्पट असल्याचे चित्र आहे. एकूण २१ पैकी १४ बाधित महिला असल्याची नोंद आहे.

हेही वाचा – यवतमाळ पोलिसांची नामी शक्कल अन् सावज अलगद जाळ्यात अडकले; दुचाकी चोरीचे…

लक्षणे आणि दक्षता

दरम्यान सतत घाम येणे, अशक्तपणा आणि डोकेदुखी ही उष्माघाताची लक्षणे आहेत. त्यामुळे उन्हाळ्यात भरपूर पाणी पिणे, तहान नसली तरी अर्ध्या तासाने पाणी पिणे आवश्यक आहे. तसेच ‘ओआरएस’, घरघुती लस्सी, कैरीचे पन्हे, लिंबू सरबत यांचे सेवन, १२ ते ३ बाहेर जाण्याचे टाळणे, पातळ सुती कपड्यांचा वापर करावा असा तज्ज्ञांचा सल्ला आहे. गरोदर महिलांनी जास्त काळजी घ्यावी.