बुलढाणा: वादग्रस्त आणि आक्रमक आमदार संजय गायकवाड यांचा मतदारसंघ ही बुलढाणा विधानसभेची नवीन ओळख निर्माण झाली आहे. सन २०१९ च्या लढतीत आमदार झाल्यावर संजय गायकवाड यांनी आपला स्वभाव, वक्तव्याची आणि विरोधकांची कधीच तमा बाळगली नाही. कोणताही आरोप मान्य केला नाही, वादग्रस्त वक्तव्ये, वर्तणूकीचे ठासून समर्थन केले. मुख्यमंत्री उद्धव ठाकरे असताना त्यांनी भाजपला अंगावर घेतले. देवेंद्र फडणवीस, नारायण राणे ते जिल्ह्यातील आमदार संजय कुटे, श्वेता महाले , आकाश फुंडकर, माजी आमदार विजयराज शिंदे देखील तडाख्यातून सुटले नाही. सेनेतील बंडाळी नंतर ते सुरत मार्गे गुवाहाटी पर्यंत पोहोचले. त्यामुळे मुख्यमंत्री शिंदे यांच्या गळ्यातील ताईत बनले. उद्धव ठाकरे, आदित्य ठाकरे, संजय राऊत, अंबादास दानवे यांना त्यांनी धारेवर धरले. त्यांची वक्तव्ये, सार्वत्रिक व्हिडीओ, त्यांच्या वर होणारे आरोप प्रत्यारोप राज्य स्तरावर बातम्यांचा विषय ठरले. अजित पवार, अंबादास दानवे, सुषमा अंधारे, संजय राऊत ते विजय वडेट्टीवार, आणि स्थानिक नेत्यांच्या ते कायम रडार वर राहिले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
