बुलढाण्याच्या प्रणालीची राष्ट्रीय मॅरेथॉन स्पर्धेत दमदार कामगिरी

बुलढाणा : बुलढाणा जिल्ह्यातील लांब पल्ल्याची धावपटू प्रणाली शेगोकार हीने पणजी गोवा येथे पार पडलेल्या राष्ट्रीय मॅरेथॉन स्पर्धेमध्ये दमदार कामगिरी बजावली आहे. दिग्गज धावपटूंचा मुकाबला करून तिने तृतीय क्रमांक पटकावला आहे. जिल्ह्यासह राज्याचा लौकिक वाढविणाऱ्या प्रणालीला गोव्याचे मुख्यमंत्री डॉ. प्रमोद सावंत व आरोग्य मंत्री विश्वजीत राणे यांच्या हस्ते पुरस्कार वितरण करण्यात आले. राष्ट्रीय व महाराष्ट्र राज्य एड्स नियंत्रण संस्थेच्या वतीने आंतरराष्ट्रीय युवा दिनी सर्व जिल्ह्यांत मॅरेथॉन स्पर्धेचे आयोजन करण्यात आले होते. जिल्हास्तरावरील विजेत्यांना राज्य स्पर्धेसाठी पाठविण्यात आले. ही स्पर्धा ५ ऑक्टोबर रोजी पुणे येथे पार पडली. या स्पर्धेत मुलींमध्ये अव्वल ठरलेली प्रणाली ही राष्ट्रीय स्पर्धेत सहभागी झाली.

हेही वाचा : “नाना पटोले हे महाराष्ट्राचे पप्पू”, सुधीर मुनगंटीवार असे का म्हणाले…

आणखी वाचा

भोसरी विधानसभा: पराभव दिसत असल्याने पैसे वाटप केल्याची बदनामी – अजित गव्हाणे

Nana Patole : निकालाआधी राजकीय घडामोडींना वेग; यातच…

सत्ता, पैशाचा गैरवापर करत मोदींकडून महाराष्ट्रात सरकार – प्रियांका गांधी

चलनवाढीसह विकासवेग मंदावण्याचा धोका ; शक्तिकांत दास

पाेलिसांच्या नियोजनामुळे वाहतूक सुरळीत-पंतप्रधानांच्या सभेसाठी कडक बंदोबस्त

हडपसरमध्ये राष्ट्रवादी काँग्रेसमध्ये वर्चस्वासाठीची लढाई

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

गोवा येथे आयोजित राष्ट्रीय स्पर्धेमध्ये तिचा तृतीय क्रमांक आला. ग्रामिण भागाची पार्श्वभुमी असतानासुध्दा राष्ट्रीय स्तरावरील स्पर्धेमध्ये तिने मिळविलेले यश कौतुकास्पद आहे. दरम्यान राज्य संस्था मुंबईचे अतिरिक्त प्रकल्प संचालक डॉ. प्रसाद भंडारी यांनी प्रणालीचे अभिनंदन केले आहे. संस्थेच्यावतिने तिचा जागतिक एड्स दिनाच्या दिवशी सत्कार करण्यात येणार असल्याचे त्यांनी सांगितले. युवकांमध्ये एच.आय.व्ही, एड्स जनजागृतीसाठी ब्रँड अॅम्बेसिडर म्हणून सन्मान करण्यात येईल, अशी घोषणा त्यांनी केली. जिल्हा शल्य चिकित्सक डॉ. सुभाष चव्हाण व जिल्हा कार्यक्रम अधिकारी प्रमोद टाले यांनीसुध्दा प्रणालीचे कौतुक केले.