‘लालपरी’ची कोट्यवधींची ‘उड्डाणे’! मे महिन्यात बुलढाणा विभागाला ‘इतक्या’ कोटींचा नफा

बुलढाणा : मागील मार्च महिन्यापासून नफ्यात असलेल्या एसटी महामंडळाच्या बुलढाणा विभागाने मे महिन्यात विक्रमी नफा मिळविला आहे. तसेच ‘रेकॉर्ड ब्रेक’ वाहतूक करून भरीव उत्पन्नाचा आकडा गाठला आहे. विभाग नियंत्रक अशोक वाडीभस्मे यांच्या मार्गदर्शनाखाली ७ आगारातील कर्मचारी व अधिकाऱ्यांनी ही जबरदस्त कामगिरी बजावली आहे. मार्च २०२३ पासून नफ्यात असलेल्या बुलढाणा विभागाचा नफ्याचा चढता आलेख कायम आहे. मार्च महिन्यात ७१.३९ लाख, एप्रिल मध्ये १.४४ कोटीचा नफा मिळाला. मे महिन्यात नफ्याचा हा आकडा तब्बल २ कोटी ३लाख ८२ हजार वर गेला. यामुळे जून मध्येही ही कौतुकास्पद कामगिरी कामगिरी कायम राहण्याची चिन्हे आहे.

चालक-वाहकांची कमाल

 दरम्यान अपुऱ्या संख्येतील बस, जुनाट गाडया, नादुरुस्तीचे प्रमाण, विक्रमी तापमान या अडचणींवर मात करत प्रामुख्याने चालक,  वाहक यांनी या कामगिरीत सिंहाचा वाटा उचलला आहे. मे महिन्यात उपलब्ध ४२८ बसद्वारे ४४लाख ९३ हजार किलोमीटर अंतर कापून त्यांनी प्रवासी वाहतूक केली आहे. यातून २६  ६३ ८९  यातील २४  ३२ ९७ खर्च वजा जाता विभागाला २ कोटी ३ लाखांचा नफा झाला आहे.

आणखी वाचा

डोंबिवलीतील वाहन कोंडी आठ दिवसात सोडवा, वाहतूक पोलीस उपायुक्त पंकज शिरसाठ यांचे आदेश

१९ ऑक्टोबर पंचांग: भरणी नक्षत्रात बहरणार प्रेमाची नाती,…

दसऱ्याच्या निमित्ताने वाहन खरेदी जोरात; परिवहन विभागात साडेतीन हजाराहून अधिक वाहनांची नोंदणी ; ११ कोटी ९४ लाखांचा महसूल

शेवटच्या कसारा, कर्जत लोकलच्या वेळा बदलल्याने प्रवासी नाराज

मालमत्ता कर थकवणाऱ्या अंधेरीतील विकासकाच्या तीन गाड्यांचा लिलाव

पुण्यातील तळेगाव दाभाडेत ह्युंदाई स्टीलसह नऊ कंपन्यांची मोठी गुंतवणूक! रोजगार निर्मितीलाही चालना मिळणार

रानटी हत्तींचा गडचिरोलीच्या सीमेत प्रवेश, शहरापासून चार किमी अंतरावर वाहतूक रोखली..

जागतिक स्तरावर आयपीओच्या माध्यमातून ८२२ कंपन्यांकडून ६५ अब्ज डॉलरची निधी उभारणी

बुलढाणा आगार अव्वल

 दरम्यान ७ आगारात बुलढाणा आगार ५१.१९ लाख नफ्यासह अव्वल ठरला आहे.  मेहकर ४८. ४६, शेगाव ४५ लाख,  चिखली १४.५३, मलकापूर २६.७४, जळगाव जामोद २८.२० लाख नफा असा अन्य आगारांची कामगिरी आहे.