बुलढाणा: नववर्षाच्या आगमनाच्या पार्श्वभूमीवर जिल्ह्यात अवैध मद्य वाहतूक तसेच विक्री मोठ्या प्रमाणात होते. अशा घटनांना प्रतिबंध घालण्यासाठी राज्य उत्पादन शुल्क विभागामार्फत विशेष मोहीम राबविण्यात येत आहे. कोणत्याही परवानगीविना परवाना मद्यविक्री किंवा अल्पवयीन तरुणांना दारु उपलब्ध होत असल्यास राज्य उत्पादन शुल्क विभागाकडून कडक कारवाई केली जाणार आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
राज्य उत्पादन शुल्क विभागाचे अधीक्षक डॉ. पराग नवलकर यांनी ही माहिती दिली. राज्य शासनाच्या गृह विभागाने नववर्षानिमित्त जिल्ह्यातील मद्यविक्री दुकानांना त्यांच्या निर्धारित वेळेपेक्षा अधिक कालावधीसाठी सुरू ठेवण्याबाबत परवानगी दिली आहे. ३१ डिसेंबरपासून एफएल-दोन, एफएल व बीआर-दोन श्रेणीत मोडणाऱ्या दुकानांना दुसऱ्या दिवशी सकाळी १ वाजेपर्यंत तर एफएल-तीन श्रेणतील दुकानांना दुसऱ्या दिवशी सकाळी ५ वाजेपर्यंत सुरू ठेवण्यासाठी परवानगी देण्यात आली आहे. मात्र विनापरवाना मद्यविक्री होऊ नये यासाठी काळजी घेण्यात येत आहे. संबंधित निरीक्षक, दुय्यम निरीक्षक यांच्यामार्फत जिल्ह्यातील एकूण ७ हजार विदेशी एक दिवसीय मद्यसेवन परवाने वितरित करण्यात आले आहे. विना परवाना मद्यविक्री सुरू असल्याचे आढळल्यास तसेच अल्पवयीन तरुणांना मद्य उपलब्ध होत असल्यास कडक कारवाई करण्यात येणार आहे.
हेही वाचा – वाल्मिक कराड शरण येणे हे पोलिसांचे अपयश, फडणवीसांच्या मर्यादा स्पष्ट, कॉंग्रेसचा आरोप
जिल्ह्यातील कार्यक्षेत्रीय अधिकारी निरीक्षक, राज्य उत्पादन शुल्क, बुलढाणा, देऊळगाव राजा व खामगाव, राज्य भरारी पथक यांच्याकडून विविध हातभट्टी ठिकाण, अवैध मद्यविक्री केंद्रावर कारवाई करण्यात येत आहे. नववर्षाच्या अनुषंगाने आयोजित करण्यात येणाऱ्या पार्ट्या, हॉटेल्समध्ये होणारी मद्यविक्री यावर राज्य उत्पादन शुल्क विभागाची करडी नजर असणार आहे.
अडीच कोटींचा माल जप्त
राज्य उत्पादन शुल्क विभागाने अवैध विक्री, मद्यनिर्मिती व वाहतूक प्रकरणी एक मार्च ते आजपर्यंत विशेष मोहीम राबवून दोन कोटींचा मुद्देमाल जप्त केला आहे. एक हजार व्यक्तीवर गुन्हे दाखल करण्यात आले असून ११४ वाहने जप्त करण्यात आली आहेत, अशी माहिती राज्य उत्पादन शुल्क विभागाचे अधीक्षक डॉ. पराग नवलकर यांनी दिली. ही कारवाई राज्य उत्पादन शुल्क आयुक्त विजय सूर्यवंशी, संचालक प्रसाद सुर्वे व विभागीय उपआयुक्त अर्जुन ओहोळ यांच्या मार्गदर्शनाखाली करण्यात आली आहे.
राज्य उत्पादन शुल्क विभागाचे अधीक्षक डॉ. पराग नवलकर यांनी ही माहिती दिली. राज्य शासनाच्या गृह विभागाने नववर्षानिमित्त जिल्ह्यातील मद्यविक्री दुकानांना त्यांच्या निर्धारित वेळेपेक्षा अधिक कालावधीसाठी सुरू ठेवण्याबाबत परवानगी दिली आहे. ३१ डिसेंबरपासून एफएल-दोन, एफएल व बीआर-दोन श्रेणीत मोडणाऱ्या दुकानांना दुसऱ्या दिवशी सकाळी १ वाजेपर्यंत तर एफएल-तीन श्रेणतील दुकानांना दुसऱ्या दिवशी सकाळी ५ वाजेपर्यंत सुरू ठेवण्यासाठी परवानगी देण्यात आली आहे. मात्र विनापरवाना मद्यविक्री होऊ नये यासाठी काळजी घेण्यात येत आहे. संबंधित निरीक्षक, दुय्यम निरीक्षक यांच्यामार्फत जिल्ह्यातील एकूण ७ हजार विदेशी एक दिवसीय मद्यसेवन परवाने वितरित करण्यात आले आहे. विना परवाना मद्यविक्री सुरू असल्याचे आढळल्यास तसेच अल्पवयीन तरुणांना मद्य उपलब्ध होत असल्यास कडक कारवाई करण्यात येणार आहे.
हेही वाचा – वाल्मिक कराड शरण येणे हे पोलिसांचे अपयश, फडणवीसांच्या मर्यादा स्पष्ट, कॉंग्रेसचा आरोप
जिल्ह्यातील कार्यक्षेत्रीय अधिकारी निरीक्षक, राज्य उत्पादन शुल्क, बुलढाणा, देऊळगाव राजा व खामगाव, राज्य भरारी पथक यांच्याकडून विविध हातभट्टी ठिकाण, अवैध मद्यविक्री केंद्रावर कारवाई करण्यात येत आहे. नववर्षाच्या अनुषंगाने आयोजित करण्यात येणाऱ्या पार्ट्या, हॉटेल्समध्ये होणारी मद्यविक्री यावर राज्य उत्पादन शुल्क विभागाची करडी नजर असणार आहे.
अडीच कोटींचा माल जप्त
राज्य उत्पादन शुल्क विभागाने अवैध विक्री, मद्यनिर्मिती व वाहतूक प्रकरणी एक मार्च ते आजपर्यंत विशेष मोहीम राबवून दोन कोटींचा मुद्देमाल जप्त केला आहे. एक हजार व्यक्तीवर गुन्हे दाखल करण्यात आले असून ११४ वाहने जप्त करण्यात आली आहेत, अशी माहिती राज्य उत्पादन शुल्क विभागाचे अधीक्षक डॉ. पराग नवलकर यांनी दिली. ही कारवाई राज्य उत्पादन शुल्क आयुक्त विजय सूर्यवंशी, संचालक प्रसाद सुर्वे व विभागीय उपआयुक्त अर्जुन ओहोळ यांच्या मार्गदर्शनाखाली करण्यात आली आहे.
