VIDEO: ओडिशात गणपती आगमनाच्या मिरवणुकीत विजेचा धक्का लागून बुलढाण्यातील सोहमचा मृत्यू

सोहम भगवान सावळे असे मृतक युवकाचे नाव असून तो बुलढाण्याचा मूळ रहिवासी आहे. ओडिशा राज्यातील कटक येथे तो योगामध्ये एमएससी करीत होता.  त्याच्या महाविद्यालयात गणेशाची मंगळवारी स्थापना करण्यात आली. त्यापूर्वी मिरवणूक काढण्यात आली.

https://www.loksatta.com/wp-content/uploads/2023/09/WhatsApp-Video-2023-09-20-at-2.14.44-PM.mp4

सोहम ट्रॅक्टरवर आपल्या काही सहकाऱ्यासह चढला होता. दरम्यान यावेळी  फडकविण्यात येणाऱ्या भगव्या ध्वजाचा (अल्युमिनियमचा) दांडा उच्च दाबाच्या विद्युत वाहक तारेला लागला. यामुळे सोहमसह काही युवक खाली कोसळले. यात सोहम जागीच गतप्राण झाला. याची माहिती कळताच सावळे परिवारावर दुःखाचा डोंगर कोसळला. कटक येथून त्याचे पार्थिव विमानाने पुणे येथे आणण्यात आले. आज संध्याकाळी उशिरा बुलढाण्यात दाखल झाल्यावर त्याच्यावर अंत्यसंस्कार करण्यात येणार आहे.