वर्धा : कारंजा घाडगेजवळ पोलिसांकडून २६ लाखांचा गांजा जप्त

महामार्गावर गांजाची बेकायदेशीर वाहतूक होत असल्याची माहिती मिळाल्यानंतर पोलिसांनी एका कारमधून २६ लाख रुपये किंमतीचा २६५ किलो गांजा जप्त केला. या प्रकरणी अकोला जिल्ह्यातील कय्युम शहा शहेनशहा, रा. बोरगाव मंजू व शरद बाळू गावंडे, रा. मूर्तिजापूर या दोघास अटक करण्यात आली. कारंजा घाडगेजवळ बोरगाव फाटा येथे ही कारवाई करण्यात आली.