अकोला : अल्पवयीन मुलगी रुग्णालयात तपासणीसाठी गेली असता तिच्यावर बलात्कार झाल्याचा धक्कादायक प्रकार उघडकीस आला. लग्नाचे आमिष दाखवून अल्पवयीन मुलीवर आरोपी परप्रांतीय तरुणाने सातत्याने लैंगिक अत्याचार केले. त्यातून अल्पवयीन मुलगी गर्भवती झाली. याप्रकरणी आरोपी तरुणाविरुद्ध जुने शहर पोलिसांनी गुन्हा दाखल केला.
हेही वाचा – ३० सप्टेंबरपर्यंत अंदमान समुद्रात कमी दाबाचा पट्टा
उत्तर प्रदेशातील आरोपी मुन्ना नामक युवकाने १६ वर्षीय मुलीला प्रेमाच्या जाळ्यात ओढले. लग्नाचे आमिष दाखवून तिच्या इच्छेविरुद्ध लैंगिक अत्याचार केले. लग्नाचे आमिष दाखवत त्याने सातत्याने मुलीचे लैंगिक शोषण केले. यातून मुलीला गर्भधारणा झाली. मुलगी जिल्हा स्त्री रुग्णालयात तपासणीसाठी गेली असता, डॉक्टरांनी ती गरोदर असल्याचे सांगितले. डॉक्टरांनी याची माहिती जुने शहर पोलिसांना दिली. पोलिसांनी मुलीची चौकशी केली असता, तिच्यावर मुन्ना नामक आरोपीने अत्याचार केल्याचे समोर आले. याप्रकरणी जुने शहर पोलिसांनी गुन्हा दाखल केला आहे.
