पश्चिम बंगाल, ओडिशाजवळ कमी दाबाचा पट्टा, राज्यात पावसाचा जोर वाढण्याची शक्यता, ‘या’ जिल्ह्यांना ‘यलो अलर्ट’

पुढील तीन दिवस राज्यातील विदर्भ, मराठवाड्यात पाऊस होण्याची शक्यता असून विदर्भातील भंडारा, गडचिरोली, चंद्रपूर जिल्ह्यांना ‘यलो अलर्ट’ देण्यात आला आहे. कोकण गोव्यात बहुतांश ठिकाणी मुळधार पावसाची, तर राज्यात आज बहुतांश ठिकाणी मुसळधार पाऊस होण्याची शक्यता आहे. मध्य महाराष्ट्रात आज काही ठिकाणी पावसाची शक्यता आहे. तर घाट विभागात तुरळक ठिकाणी मुसळधार पावसाची शक्यता आहे. आजपासून विदर्भात, २१ तारखेपासून मराठवाड्यात व २२ तारखेपासून मध्य महाराष्ट्रात विजांच्या कडकडाटासह पाऊस होण्याची शक्यता आहे. पुणे आणि परिसरात आकाश सामान्यत: ढगाळ राहून हलक्या ते अतिहलक्या स्वरुपाचा पाऊस पडण्याची शक्यता आहे. घाट विभागात आज तुरळक ठिकाणी मुसळधार पावसाची शक्यता आहे.

आणखी वाचा

राज्यात ऐन हिवाळ्यात पाऊस, गारपीट होणार? जाणून घ्या, उत्तर महाराष्ट्र, मराठवाडा, विदर्भामध्ये काय होणार

Madhuri Dixit : डर चित्रपट माधुरी दीक्षितने का…

मुंबईत महिनाअखेरीपर्यंत गारठा कायम राहणार

थंडीला लागणार ‘ब्रेक’, हवामान खात्याचा पावसाचा अंदाज

थंडीने रत्नागिरी जिल्हा गारठला; आंबा काजू उत्पादनात वाढ होण्याची व्यावसायिकांना आशा

राजस्थान, जम्मू-काश्मीरमध्ये थंडीची लाट

सेंद्रीय, नैसर्गिक शेतीच्या फक्त घोषणाच; जाणून घ्या, युरियासह अन्य खतांचा वापर किती वाढला

राज्यात ५० हजार एकर द्राक्षबागेवर कुऱ्हाड ? जाणून घ्या, नोटबंदी, कोरोना टाळेबंदी, नैसर्गिक आपत्तींचा परिणाम

हेही वाचा – ऐन गणेशोत्सवात पाच शेतकऱ्यांच्या आत्महत्या; यवतमाळ जिल्ह्यतील विदारक चित्र

विदर्भात यवतमाळ जिल्ह्यात पुढील तीन दिवस ‘यलो अलर्ट’ देण्यात आला आहे. तर नागपूरला २२ आणि २३ तारखेला ‘यलो अलर्ट’ देण्यात आला आहे. तर गोंदिया, गडचिरोली, चंद्रपूर, भंडारा जिल्ह्यात मुसळधार पावसाचा इशारा देण्यात आला असून पुढील २३ तारखेपर्यंत ‘यलो अलर्ट’ देण्यात आला आहे.

हेही वाचा – ‘कॉमन क्रेन’च्या तस्करीचे धागेदोरे आंतरराष्ट्रीय स्तरापर्यंत

अमरावती, वर्धा येथे २२ तारखेला ‘यलो अलर्ट’ देण्यात आला आहे. मराठवाड्यातील बीड, जालना, परभणी, नांदेड, हिंगोली येथे पावसाचा ‘यलो अलर्ट’ देण्यात आला आहे. तर मध्य महाराष्ट्रात पुणे, अहमदनगर, नाशिक, जळगाव येथेही ‘यलो अलर्ट’ जारी करण्यात आला आहे. पुढील काही दिवस मुंबईत हलका ते मध्यम स्वरुपाचा पाऊस पडण्याची शक्यता आहे.