चंद्रपूर : वाघाच्या हल्ल्यात गुराखी ठार

नेहमीप्रमाणे बंडू कोल्हे हे रामपूर आणि मूल येथील जनावरे व शेळ्या घेऊन जंगलात चराईसाठी गेले होते. काही शेळ्या भटकल्याने ते शोधात होते. त्यांनी आपल्या पत्नीशी संवाद साधून शेळ्या घरी आल्या का, याबाबत विचारपूस केली होती. रामपूर ते करून काटवन हा बफर झोनचा परिसर घनदाट जंगलाचा आहे. या परिसरात वाघाचे वास्तव्य आहे. दबा धरून बसलेल्या वाघाने हल्ला केला. संध्याकाळी गायी, म्हशी आणि शेळ्या न चुकता घरी परतल्या. मात्र, बंडू कोल्हे परतले नाही. पत्नीने गावात ही माहिती दिली. वनविभागाला सूचना देण्यात आली. मूल येथील बफर झोनचे अधिकारी, कर्मचारी व गावकरी यांनी जंगलात शोधमोहीम राबवली. संध्याकाळपर्यंत थांगपत्ता लागला नाही. घनदाट जंगल आणि अंधार पडल्याने शोधमोहीम थांबविण्यात आली.

नक्की वाचा

मुख्यमंत्रीच म्हणतात, विद्यापीठांमध्ये अराजकतेचे बिजारोपण…कारण, माओवादी विचार…

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

बुलढाणा : ७१ लाखांचे अवैध बायोडिझेल टँकरसह जप्त! मुंबईच्या पथकाची ‘हाय-वे’वर कारवाई

जनतेला लुटण्यापेक्षा एसटी महामंडळातील भ्रष्टाचार थांबवा – नाना पटोले

अकोला : मूर्तिजापुरातून भाजपचे हरीश पिंपळे चौथ्यांदा तर कारंजातून सई डहाकेंना संधी

सावधान! दिवाळीत मिठाई विक्रेत्यांकडून ग्राहकांची लूट

वर्धा : प्रजननकाळच बिबट्यांच्या जीवावर उठतोय, जंगल सोडून रस्त्यावर येतात, आणि….

बुलढाणा : भरधाव कंटेनरची ट्रॅक्टरला धडक; तीन मजूर ठार

मंगळवारी सकाळी कक्ष क्रमांक ७५६ मध्ये मृतदेहाचे अवशेष सापडले. वाघाने ठार मारून बंडू यांचे शरीर फस्त केले होते. फक्त शरिराची हाडे तेवढी शिल्लक होती. घटनास्थळी त्यांची काठी आढळून आली. सापडलेली हाडे मूल येथील उपजिल्हा रुग्णालयात आणण्यात आली. घटनास्थळी वन विभागाच्या वरिष्ठ अधिकारीवर्गांनी भेट देऊन पाहणी केली. मृतकाच्या कुंटुबीयांना वनविभागाच्या वतीने तात्काळ वीस हजार रुपयांची मदत देण्यात आली.