चंद्रपूर : जिल्हाधिकाऱ्यांचा दारूची दुकाने बंदचा आदेश न्यायालयाकडून रद्द; आंबेडकर जयंतीदिनी जिल्ह्यात दारूची दुकाने सुरू

डॉ. बाबासाहेब आंबेडकर यांच्या जयंतीदिनी जिल्हाधिकारी विनय गौडा यांनी आदेश काढून जिल्ह्यातील सर्व दारूची दुकाने बंद ठेवण्याचे आदेश जारी केले होते. या आदेशाविरोधात चंद्रपूर लिकर असोसिएशनचे अध्यक्ष राजू मारकवार यांनी उच्च न्यायालयाच्या नागपूर खंडपीठात याचिका दाखल करून जिल्हाधिकाऱ्यांच्या आदेशाला आव्हान दिले.

हेही वाचा – “मी गंगा-भागिरथी नाही”, यशोमती ठाकूर कडाडल्या, म्हणाल्या, “महिलांना पुन्हा गुलामगिरीच्या जोखडात..”

यावर सुनावणी करताना न्यायमूर्ती अतुल चांदूरकर आणि एमडब्ल्यू चांदवानी यांच्या खंडपीठाने जिल्हाधिकाऱ्यांच्या आदेशाला स्थगिती देत रद्द ठरविला आहे. त्यामुळे आंबेडकर जयंतीदिनी जिल्ह्यातील सर्वच देशी, विदेशी, बार व रेस्टारंट सुरू आहेत.

हेही वाचा – मनुवादी विचारांमुळे देश गुलामगिरीच्या वाटेवर; क्रांतीभूमी चिमूरमध्ये माजी मंत्री वडेट्टीवार आक्रमक

रामनवमीला दारूची दुकाने होती बंद

विशेष म्हणजे नुकत्याच पार पडलेल्या रामनवमी महोत्सव तथा सागवान लाकूड शोभायात्रा दिनी चंद्रपूर व बल्लारपूर शहरातील देशी विदेशी दारू दुकाने बंद होती. मात्र, आंबेडकर जयंतीला दुकाने सुरू असल्याने नागरिकांकडून टीका होत आहे.