चंद्रपूर : बेलगाव येथील एका १४ वर्षीय अल्पवयीन मुलीने प्रेमास नकार दिल्याने युवकाने तिच्या घरी जाऊन अंगावर पेट्रोल टाकून जाळण्याचा प्रयत्न केल्याची खळबळजनक घटना भद्रावती येथे घडली. हा प्रकार कुटुंबीयांच्या लक्षात येताच मुलीला लगेच बाजूला केल्याने मोठा अनर्थ टळला. पोलिसांनी मंगळवारी आरोपीला अटक केली. सिद्धांत भेले (२८, रा. बेलगाव) असे आरोपीचे नाव आहे. न्यायालयाने त्याला १५ जूनपर्यंत पोलिस कोठडी सुनावली आहे. आरोपी सिद्धांत भेले आणि पीडित मुलीची ओळख होती.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

आरोपीने अल्पवयीन मुलीला प्रेमासाठी प्रपोज केले. मुलीने त्याला ठाम शब्दांत नकार दिला. दरम्यान, काही वेळाने आरोपी सिद्धांत याने एका बॉटलमध्ये पेट्रोल घेऊन थेट पीडित मुलीच्या घरी गेला आणि अंगावर टाकून जाळण्याच्या प्रयत्नात केला.कुटुंबीयांनी धावाधाव करून मुलीला बाजूला केल्याने मोठा अनर्थ टळला. पोलिसांनी आरोपीविरुद्ध गुन्हा दाखल केला आहे. आरोपीला न्यायालयात हजर केले असता पोलिस कोठडी सुनावण्यात आली.

आणखी वाचा

हेही वाचा… बुलढाणा: एक, दोन नव्हेतर महिलेने दिला चक्क तिळ्यांना जन्म!

हेही वाचा… नागपूर: काहींना आधीच नोकरी, मग आता नियुक्तीपत्र कशाला?

पोलिसांनी प्रकरणात आरोपी युवक व अल्पवय मुलीच्या कुटूंबियांकडून माहिती घेतली जात आहे. पुढील तपास ठाणेदार इंगळे करीत आहे.