“नाना पटोले सध्या शोले चित्रपटातील असरानीच्या भूमिकेत,” चंद्रशेखर बावनकुळे यांची टीका

बावनकुळे नागपुरात प्रसारमाध्यमांशी बोलत होते. नाना पटोले यांना सध्या काँग्रेस आणि महाविकास आघाडीमध्ये बाजूला करण्यात आले आहे. त्यांच्यासोबत असलेले नेते इकडेतिकडे गेले आहे. यामुळे ते शोले चित्रपटातील असरानीच्या भूमिकेत काम करत आहेत. काँग्रेसचे ज्येष्ठ नेते मल्लिकार्जुन खरगे राज्यातील लाडकी बहीण योजनेवर, शेतकऱ्यांच्या वीज बील माफ केल्यावर टीका करत आहेत. काँग्रेसचे राज्य असलेल्या ठिकाणी सुरू केलेल्या योजना बंद केल्या जात आहे. राज्यातील प्रत्येक योजनेवर ते टीका करत असताना आता महाराष्ट्राची जनता त्यांना धडा शिकवल्याशिवाय राहणार नाही. महाविकास आघाडीला राज्यात कुठेही समर्थन नाही. त्यांच्याजवळ जाहीर सभामधून काहीही सांगण्यासारखे नाही, त्यामुळे केवळ भाजप आणि महायुतीच्या नेत्यांवर टीका करणे हा एकमेव कार्यक्रम त्यांचा आहे. फेक नेरेटीव्ह पसरवत लोकसभेत प्रचार केला मात्र आता विधानसभा निवडणुकीत जनता त्यांच्यावर विश्वास ठेवणार नाही, असेही बावनकुळे म्हणाले.

नक्की वाचा

Chandrashekhar Bawankule : अमित शाहांकडून फडणवीसांना मुख्यमंत्री बनवण्याचे संकेत? बावनकुळे म्हणाले, “मी वारंवार सांगतोय, महाराष्ट्रात…”

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Amit Shah: “आपल्याला देवेंद्र फडणवीसांना पुन्हा…”, अमित शाहांचे शिराळ्याच्या सभेत मोठे विधान; राजकीय चर्चांना उधाण

Sharad Pawar : मनोज जरांगेंनी निवडणुकीतून माघार घेतल्यानंतर शरद पवारांची पहिली प्रतिक्रिया; म्हणाले “मला आनंद, कारण…”

Sanjay Raut : “महायुतीला जिंकवण्यासाठी पोलीस व गुंडांच्या बैठका”, राऊतांचे आरोप; यादी देण्यास तयार, वरिष्ठ अधिकाऱ्याला म्हणाले, “सरकार बदलल्यावर…”

Donald Trump Won US Election 2024: दुसऱ्या टर्मसाठी डोनाल्ड ट्रम्प यांचा अजेंडा ठरला; पहिल्याच भाषणात केला उल्लेख, म्हणाले…

“राज ठाकरे भाषण करून गेले तिथे अडरवर्ल्डच्या मदतीने…”, ठाकरेंच्या शिवसेनेचा आरोप; म्हणाले, “अनेक मतदारसंघांत गुंडांच्या टोळ्यांना…”

Ashish Shelar : अमित ठाकरेंनंतर भाजपाचा मनसेच्या आणखी एका उमेदवाराला पाठिंबा, कंबर कसून प्रचार करण्याचे आदेश

देशाचे गृहमंत्री अमित शहा आणि पंतप्रधान नरेंद्र मोदी यांच्या सभा महराष्ट्रात होत आहे. राज्यात जनतेच्या विकासासाठी महायुतीचे सरकार यावे. डबल इंजिन सरकारने महाराष्ट्राच्या जनतेचा विकास करावा आणि महाराष्ट्र देशात एक क्रमांकाचा राज्य व्हावे यांसाठी ते जनतेला संबोधित करत आहेत. अमित शहा यांनी देवेंद्र फडणवीस मुख्यमंत्री व्हावे, असे संकेत दिले असले तरी राज्यात महायुतीचा मुख्यमंत्री होईल. भाजपचे नेते देवेंद्र फडणवीस आहेत, त्यामुळे भाजपचा विजय हा खऱ्या अर्थाने नेतृत्वाचा विजय असतो, आमच्या जास्तीत जास्त जागा महायुती म्हणून भाजप, शिवसेना, राष्ट्रवादीच्या याव्यात यासाठी आम्ही प्रयत्न करत आहे. महायुतीचे सरकार असे अमित शाह म्हणाले त्यामुळे त्यांचे वक्तव्य वेगळ्या पद्धतीने घेऊ नये, असेही बावनकुळे म्हणाले. महायुतीचे सरकार हे मुख्यमंत्री बनवण्याच्या कुठल्याही चढाओढीमध्ये नाही. आम्ही विकासासाठी काम करतो आहे, मुख्यमंत्री पदासंदर्भात केंद्रीय नेतृत्व निर्णय करेल, असेही बावनकुळे म्हणाले.

हे ही वाचा… नक्षलवादी संविधानाला मानत नाही; भाजपलाही संविधान संपवायचे आहे – छत्तीसगड माजी मुख्यमंत्री भूपेश बघेल

राजदीप सरदेसाई यांच्या पुस्तकाबाबत छगन भुजबळ यांच्यासोबत चर्चा केली. मी असे कुठेही बोललो नाही, असे त्यांनी मला सांगितले. त्यांनी पुस्तकात लिहिलेले सर्व काही खोटे आहे, मी कुठेही असे बोललो नसल्याचे त्यांनी मला सांगितले. याबाबत भुजबळ हे कायदेशीर कारवाई करणार असल्याचे बावनकुळे म्हणाले.