छत्रपती शिवाजी महाराजांच्‍या कार्यक्रमात अनिल बोंडेंनी वक्‍त्‍याला म्‍हटले ‘मुर्ख आहेस का?’ त्‍यानंतर झाले असे की…

येथील शिवटेकडी परिसरात शिवजयंती उत्‍सव कार्यक्रमाचे आयोजन करण्‍यात आले होते. या कार्यक्रमाला संभाजी ब्रिगेडचे प्रदेश संघटक तुषार उमाळे हे प्रमुख वक्‍ते म्‍हणून उपस्थित होते. ‘छत्रपती शिवाजी महाराज हिंदू की हिंदूत्‍ववादी?’ हा व्‍याख्‍यानाचा विषय होता. खासदार डॉ. अनिल बोंडे हेही कार्यक्रमाला उपस्थित होते.

आणखी वाचा

पोलीस अधिकाऱ्याने सहकाऱ्यांबरोबर बनवली Reel, नेटकऱ्यांचे जिंकले मन, पाहा Viral Video

Nana Patole : निकालाआधी राजकीय घडामोडींना वेग; यातच…

“महेशने विचारलं टक्कल करशील का? मी लगेच…”, सविता मालपेकरांनी सांगितला ‘काकस्पर्श’चा किस्सा, म्हणाल्या…

पिंपरी: अजित पवारांच्या पक्षाच्या देहू शहराध्यक्षाच्या मोटारीतून रोकड जप्त

खोटी आश्वासने देऊन मतविभागणीचा काँग्रेसचा उद्योग, हरियाणाचे मुख्यमंत्री नायबसिंग सैनी यांचा आरोप

भुवनेश्वरी आणि चारुलताच्या गोंधळात अक्षराच वेडी ठरणार; नेटकरी म्हणाले, “शिक्षिका असून सुद्धा…”

योगींच्या ‘बटेंगे तो कटेंगे’नंतर पंतप्रधान मोदींकडून ‘एक हैं तो सेफ है’चा नारा

लोकमानस: संशय आणि असुरक्षिततेचा परिणाम

हेही वाचा >>> 12th Exam : विद्यार्थ्यांकडे ‘कॉपी’ सापडल्यास पर्यवेक्षकाची उचलबांगडी!

तुषार उमाळे यांनी आपल्‍या भाषणात छत्रपती शिवाजी महाराजांबद्दल मुस्‍लीमांचे वैरी अशी चुकीची प्रतिमा आपल्‍या मनात बिंबवण्‍यात येत असल्‍याचे सांगितले. ते उदाहरणे देत असतानाच डॉ. अनिल बोंडे यांनी त्‍यांना रोखले आणि एकेरी भाषेत उल्‍लेख करून ‘मुर्ख आहेस का, काहीही बोलू नको’, असे सुनावले. त्‍यावर तुषार उमाळे यांनीही डॉ. बोंडेंना जोरदार प्रत्‍युत्‍तर दिले. दोघांमध्‍ये चांगलीच बाचाबाची झाली. ते कार्यक्रमातून उठून जायला निघाले. कार्यक्रमाला उपस्थित असलेल्‍या इतर मान्‍यवरांनी डॉ. बोंडे यांची समजूत काढण्‍याचा प्रयत्‍न केला. त्‍यानंतर ते पुन्‍हा आपल्‍या स्‍थानी परतले.

हेही वाचा >>> नागपूर : धक्कादायक! रेल्वेतून दारू तस्करीसाठी आता महिलांचा वापर, वाचा…

उमाळे यांनी आपले भाषण सुरूच ठेवले. ते म्‍हणाले, ‘राज्‍यघटनेने आपल्‍याला अभिव्‍यक्‍ती स्‍वातंत्र्य दिले आहे. त्‍याची गळचेपी अजिबात सहन केली जाणार नाही. आपण वडीलधारे आहात, आम्‍ही आपला सन्‍मान करतो, पण एकेरी भाषेत बोलून भाषणात अडथळे आणणे योग्‍य नाही. तुम्‍ही आमच्‍या स्‍वातंत्र्यावर बंधने आणू शकत नाही. ज्‍यांना आपले भाषण ऐकायचे नाही, ते खुशाल सभेतून जाऊ शकतात.’ तुषार उमाळे यांनी नंतर आपल्‍या भाषणात छत्रपती शिवाजी महाराज हे कशा प्रकारे अठरापगड जाती-जमातीच्‍या लोकांचा सन्‍मान करीत होते, याची उदाहरणे दिली. डॉ. बोंडे हे नंतर टाळ्या देखील वाजवताना दिसले. या कार्यक्रमात डॉ. बोंडे यांचेही भाषण झाले. पण, कार्यक्रमातील श्रोत्‍यांचा नूर पाहून त्‍यांनी माघार घेणेच पसंत केले.