नागपूर: भारतीय रेल्वे विभागातील अभियांत्रिकी पदासाठी गुरुवारी नागपुरातील परीक्षा केंद्रावर परीक्षेदरम्यान गोंधळ झाला. पेपरसाठी सकाळी १०.३० वाजताची वेळ दिली असताना दुपारी १ वाजतापर्यंत विद्यार्थ्यांना पेपरचा देण्यात आला नाही. यामुळे विद्यार्थ्यांनी गोंधळ घालत नव्याने ऑनलाईन माध्यमातून परीक्षा घेण्याची मागणी केली.
रेल्वे विभागाच्या अभियांत्रिकी पदासाठी सकाळी ११ वाजता ऑफलाईन माध्यमातून परीक्षा घेण्यात येणार होती. यासाठी विद्यार्थ्यांना सकाळी १०.३० वाजता परीक्षा केंद्रावर हजर राहण्यास सांगण्यात आले होते. विद्यार्थी केंद्रावर पोहोचले मात्र दुपारी १२ वाजतापर्यंत विद्यार्थ्यांना पेपेरच देण्यात आला नाही. त्यामुळे विद्यार्थ्यांनी गोंधळ घातला.
अजनी येथील शाळेमध्ये परीक्षेचे केंद्र होते. १ वाजतापर्यंत परीक्षा न झाल्याने शेवटी विद्यार्थ्यांनी नव्याने आणि ऑनलाईन माध्यमातून परीक्षा घेण्याची मागणी केली आहे.
