काँग्रेसचे नेते व माजी मंत्री नितीन राऊत यांच्या कारला अपघात

नागपूरमधील ऑटोमोटिव्ह चौकात बुधवारी रात्री उशीरा एका ट्रकने नितीन राऊत यांच्या कारला धडक दिली. या अपघातातून नितीन राऊत थोडक्यात बचावले. अपघाताची माहिती मिळताच वरिष्ठ पोलिस अधिकाऱ्यांसह कपिलनगर पोलिसांनी घटनास्थळी धाव घेतली. तसेच मोठा ताफासुद्धा तैनात करण्यात आला होता. नितीन राऊत यांचा अपघात झाल्याचे वृत्त पसरताच काँग्रेस चे बरेच पदाधिकारी आणि कार्यकर्त्यांनी मध्यरात्री पोलीस ठाण्यात धाव घेतली. राऊत यांची भेट घेऊन विचारपूस केली. या अपघाताप्रकरणी कपिल नगर पोलीस स्टेशनमध्ये ट्रक चालकाविरोधात गुन्हा दाखल करण्यात आला असून या घटनेचा पुढील तपास सुरू आहे.

आणखी वाचा

काँग्रेसच्या चुकीच्या धोरणामुळे ग्रामीण भाग विकासापासून वंचित, नितीन गडकरी यांचे टीकास्त्र

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

उमेदवाराचे वाहन पेटविल्याने यवतमाळच्या निवडणुकीला गालबोट, कायदा व सुव्यवस्थेवर प्रश्नचिन्ह

मुंबई : दीड हजार नागरिकांचा मतदानावर बहिष्कार

भाजप आमदारांच्या प्रतिमेला चपलांचा हार, झेंडेपार लोह खाणीचा मुद्दा तापला

अन्वयार्थ : हजार कोटी सापडले, त्याचे पुढे काय झाले?

वसई-विरार पालिका परिसरात सलग दुसर्‍या दिवशी पैशांचा पाऊस, दोन कोटींहून अधिक रक्कम जप्त

शहरापेक्षा नागपूर ग्रामीणमध्ये चुरस अधिक, कुठे बंडखोरी, तर कुठे प्रस्थापितविरोधी लाट

हे ही वाचा… व्यक्तिगत लाभाच्या योजनांकडे सर्वच पक्षांची धाव!

प्रचाराहून घरी परत जातांना अपघात

नितीन राऊत हे बुधवारी रात्री प्रचार सभा आटपून घरी जात होते. त्यावेळी नागपुरातील ऑटोमोटिव्ह चौकात त्यांच्या कारला एका ट्रकने जोरदार धडक दिली. ही धडक इतकी जबरदस्त होती की कारमध्ये बसलेल्या नितीन राऊत आणि त्यांच्या सहकाऱ्यांना जोरदार धक्का बसला. अचानक झालेल्या अपघातामुळे कारमधील सर्व जण घाबरले होते.

अपघाताचा व्हिडिओ झाला व्हायरल

नितीन राऊत यांच्या कारचा अपघात झाल्यानंतर एक व्हिडीओ समाजमाध्यमांवर प्रसारित झाला.त्यात कारचे नुकसान झाल्याचे दिसून येते आहे. अपघात कसा घडला याबद्दल कोणतीही अधिकृत माहिती मिळू शकलेली नाही.