नागपूर : सर्वोच्च न्यायालयाच्या निकालानंतर मुख्यमंत्र्यासह १६ आमदारांवर अपात्रतेची टांगती तलवार आहे. त्यातच अजीत पवार हे राष्ट्रवादीत बंडखोरी करून सत्तेत सहभागी झाले. तेव्हापासून अजीत पवार यांना मुख्यमंत्रीपदाचे आमिष भाजपने दाखवले आहे, अशी राजकीय वर्तुळात चर्चा आहे. मात्र, विरोधी पक्ष नेते विजय वडेट्टीवार यांनी भाजप व अजीत पवार यांच्याबाबत वेगळच वक्तव्य केलं आहे.
हेही वाचा : शेगावात पन्नास हजारांवर भाविक! साप्ताहिक सुट्या व एकादशीचा योग; भाविकांमुळे विदर्भ पंढरी फुलली
ते आज नागपुरात त्यांच्या निवासस्थानी बोलत होते. राज्यातील विद्यमान सरकारबाबत ते म्हणाले, ‘बैल गाडी एकाची, बैल दुसऱ्याचा आणि हाकणारा तिसराच आहे. यामुळे कुणाची लॅाटरी लागेल माहीत नाही. शरद पवार भाजपसोबत आल्याशिवाय अजितदादांना मुख्यमंत्रीपद मिळणार नाही. ही भाजपची अट आहे’, असा दावा वडेट्टीवार यांनी केला आहे.
