नागपूर : करोनानंतर सातत्याने सोन्याचे दर वाढत असल्याने ग्राहकांमध्ये चिंतेचे वातावरन होते. अधून- मधून एखाद वेळा सोन्याचे दर कमी झाले, परंतु कालांतराने पून्हा वाढत होते. आता मंगळवारी (११ मार्च २०२५ रोजी) सोन्याच्या दरात घसरण झाल्याने ग्राहकांना आंशिक दिलासा मिळाला आहे. त्यामुळे लग्नासह विविध समारंभासाठी सोने- चांदीचे दागिने खरेदीसाठी इच्छुकांना लाभ होणार आहे.
करोनानंतर सोन्याचे दर सातत्याने वाढले असले तरी मागील वर्षीच्या केंद्रीय अर्थसंकल्पानंतर सोन्याच्या दरात मोठी घट बघायला मिळाली होती. केंद्र सरकारने सोन्यावरील सिमा शुल्क कमी केल्याने हे दर घसरले होते. परंतु त्यानंतर पून्हा सातत्याने दरवाढ होऊन बघता- बघता सोन्याचे दर विक्रमी उंचिवर पोहचले आहे. त्यातच नागपुरातील सराफा बाजारात आठवड्याच्या पहिल्या दिवशी सोमवारी दर वाढले असले तरी मंगळवारी (११ मार्च २०२५) मात्र दरात घसरण नोंदवली गेली.
नागपुरातील सराफा बाजारात सोमवारी (१० मार्च २०२५) बाजार उघडल्यावर सोन्याचे दर २४ कॅरेटसाठी प्रति दहा ग्राम ८६ हजार ४०० रुपये, २२ कॅरेटसाठी ८० हजार ४०० रुपये, १८ कॅरेटसाठी ६७ हजार ४०० रुपये, १४ कॅरेटसाठी ५६ हजार २०० रुपये होते. परंतु मंगळवारी (११ मार्च २०२५) नागपुरातील सराफा बाजारात सोन्याचे दर २४ कॅरेटसाठी प्रति दहा ग्राम ८६ हजार रुपये, २२ कॅरेटसाठी ८० हजार रुपये, १८ कॅरेटसाठी ६७ हजार १०० रुपये, १४ कॅरेटसाठी ५५ हजार ९०० रुपये नोंदवले गेले. त्यामुळे नागपुरात १० मार्च २०२५ रोजीच्या तुलनेत ११ मार्च २०२५ रोजी सोन्याचे दर २४ कॅरेटसाठी प्रति दहा ग्राम ४०० रुपये, २२ कॅरेटसाठी ४०० रुपये, १८ कॅरेटसाठी ३०० रुपये, १४ कॅरेटसाठी ३०० रुपये कमी झाल्याचे दिसत आहे. दरम्यान हे दर येत्या काळात आणखी वाढल्याचे संकेत सराफा व्यवसायिकांकडून दिले जात आहे.
चांदीच्या दरातही बदल…
नागपुरातील सराफा बाजारात १ मार्च २०२५ रोजी चांदीचे दर प्रति किलो ९५ हजार ३०० रुपये होते. हे दर १० मार्च २०२५ रोजी बाजार उघडताच प्रति किलो ९७ हजार २०० रुपये नोंदवले गेले. परंतु दुसऱ्याच दिवशी मंगळवारी (११ मार्च २०२५ रोजी) ९६ हजार ७०० रुपये नोंदवण्यात आले. त्यामुळे नागपुरात १० मार्चच्या तुलनेत ११ मार्चला चांदीच्या दरात प्रति किलो ५०० रुपये प्रति किलो घटले आहे.
