लोकसत्ता टीम
नागपूर : स्थायी करण्याच्या मागणीसाठी कंत्राटी आरोग्य अधिकारी, कर्मचाऱ्यांनी सुरू केलेला संप शनिवारी कायम राहिल्याने रुग्णांचा मन:स्ताप कायम होता. शनिवारी नागपूर जिल्ह्यातील सुमारे अडिचशे आंदोलक मुंबईच्या आझाद मैदानासाठी निघाले. तर रविवारीही पाचशेच्या जवळपास आंदोलक निघणार असल्याचा संपकर्त्यांचा दावा आहे.
आणखी वाचा-बुलढाणा : ट्रकची चोरी केली, पोलिसांच्या जाळ्यात टोळी अडकली!
मुंबईतील आझाद मैदानावर राष्ट्रीय आरोग्य अभियानांतर्गत कार्यरत कंत्राटी अधिकारी, कर्मचाऱ्यांनी ३० आणि ३१ ऑक्टोबरला आंदोलनाची हाक दिली आहे. नागपुरात संपकर्त्यांनी शनिवारी संविधान चौकात निदर्शने न करता आता मुंबईला निघण्याची तयारी सुरू केली आहे. त्यानुसार सुमारे २५० आंदोलक शनिवारीच विविध रेल्वेने मुंबईसाठी रवाना झाले. तर रविवारी सुमारे ५०० आंदोलक मुंबईला जाण्याच्या तयारीत असल्याचे संपकर्त्यांकडून सांगण्यात आले. मात्र, संप लांबत असल्याने ग्रामीण व दुर्गम भागातील रुग्णांच्या आरोग्य सेवेवरही आता परिणाम होऊ लागला आहे. त्यामुळे संपावर तोडगा कधी निघणार? याकडे सगळ्यांचे लक्ष लागले आहे. या विषयावर नागपुरातील आरोग्य उपसंचालक कार्यालयाकडून मात्र प्रशासनाने सर्व आवश्यक कारवाई केल्याने रुग्णसेवा सुरळीत असल्याचा दावा केला आहे.
नागपूर : स्थायी करण्याच्या मागणीसाठी कंत्राटी आरोग्य अधिकारी, कर्मचाऱ्यांनी सुरू केलेला संप शनिवारी कायम राहिल्याने रुग्णांचा मन:स्ताप कायम होता. शनिवारी नागपूर जिल्ह्यातील सुमारे अडिचशे आंदोलक मुंबईच्या आझाद मैदानासाठी निघाले. तर रविवारीही पाचशेच्या जवळपास आंदोलक निघणार असल्याचा संपकर्त्यांचा दावा आहे.
आणखी वाचा-बुलढाणा : ट्रकची चोरी केली, पोलिसांच्या जाळ्यात टोळी अडकली!
मुंबईतील आझाद मैदानावर राष्ट्रीय आरोग्य अभियानांतर्गत कार्यरत कंत्राटी अधिकारी, कर्मचाऱ्यांनी ३० आणि ३१ ऑक्टोबरला आंदोलनाची हाक दिली आहे. नागपुरात संपकर्त्यांनी शनिवारी संविधान चौकात निदर्शने न करता आता मुंबईला निघण्याची तयारी सुरू केली आहे. त्यानुसार सुमारे २५० आंदोलक शनिवारीच विविध रेल्वेने मुंबईसाठी रवाना झाले. तर रविवारी सुमारे ५०० आंदोलक मुंबईला जाण्याच्या तयारीत असल्याचे संपकर्त्यांकडून सांगण्यात आले. मात्र, संप लांबत असल्याने ग्रामीण व दुर्गम भागातील रुग्णांच्या आरोग्य सेवेवरही आता परिणाम होऊ लागला आहे. त्यामुळे संपावर तोडगा कधी निघणार? याकडे सगळ्यांचे लक्ष लागले आहे. या विषयावर नागपुरातील आरोग्य उपसंचालक कार्यालयाकडून मात्र प्रशासनाने सर्व आवश्यक कारवाई केल्याने रुग्णसेवा सुरळीत असल्याचा दावा केला आहे.
