अमरावती: आमदार रवी राणा आणि बच्चू कडू यांच्यातील वाद संपुष्टात आल्याचे चित्र असतानाच रवी राणा यांच्या ताज्या वक्तव्यामुळे पुन्हा एकदा संघर्ष निर्माण होण्याची शक्यता आहे. आ. राणा यांनी बुधवारी प्रसार माध्यमांशी बोलताना आ. कडू यांना आव्हान देत ‘पुन्हा आमदार म्हणून कसा निवडून येणार ते पाहतो,’ अशा शब्दात इशारा दिला आहे.
आ. राणा म्हणाले, मी स्वत: पुढे येऊन वाद मिटवलेला आहे. पण एक लक्षात ठेवा, कुणी जर मला दम देत असेल तर ते सहन करणार नाही. शिवसेना पक्षप्रमुख उद्धव ठाकरेंनादेखील रवी राणा घाबरलेला नाही. बच्चू कडू तर काहीच नाही. ते दम देऊन बोलत असतील तर त्यांना जशास तसे उत्तर मी देईन. मग ते उत्तर कोणत्याही पातळीवर असेल, ते देईन. ते ज्या स्तरावर म्हणतील त्या स्तरावर उत्तर द्यायला तयार आहे. प्रेमाची भाषा बोलाल तर रवी राणा दहा वेळा झुकायला तयार आहे. मात्र, कुणी दम देऊन बोलत असेल तर त्याला घरात घुसून मारण्याची देखील हिंमत आहे.
मंत्रीपद मिळणे किंवा न मिळणे हा विषय आपल्या अधिकार क्षेत्रातला नाही. तो मुख्यमंत्री आणि उपमुख्यमंत्री यांचा अधिकार आहे. माझे नेते मुख्यमंत्री आणि उपमुख्यमंत्री हे आहेत. त्या दोन्ही नेत्यांचा आदर-सन्मान करून दोन पावले मी मागे आलो आहे आणि दिलगिरी व्यक्त केली आहे. कुणाचेही मन दुखावू नये म्हणून तो विषय मी संपवला आहे. पण वारंवार मी रवी राणाला माफ करणार नाही, असा दम आ. कडू देत असेल, तर मलाही उत्तर द्यावे लागेल. तुला कुणी सांगितले मला माफ करायला, तुझ्यामध्ये एवढी हिंमत असेल तर तू कसा निवडून येतो ते पाहा. वेळ सांगेल की बच्चू कडू पुन्हा आमदार बनेल की नाही बनणार, अशा एकेरी शब्दात आ. राणा यांनी आव्हान दिले आहे.
आ. राणा म्हणाले, मी स्वत: पुढे येऊन वाद मिटवलेला आहे. पण एक लक्षात ठेवा, कुणी जर मला दम देत असेल तर ते सहन करणार नाही. शिवसेना पक्षप्रमुख उद्धव ठाकरेंनादेखील रवी राणा घाबरलेला नाही. बच्चू कडू तर काहीच नाही. ते दम देऊन बोलत असतील तर त्यांना जशास तसे उत्तर मी देईन. मग ते उत्तर कोणत्याही पातळीवर असेल, ते देईन. ते ज्या स्तरावर म्हणतील त्या स्तरावर उत्तर द्यायला तयार आहे. प्रेमाची भाषा बोलाल तर रवी राणा दहा वेळा झुकायला तयार आहे. मात्र, कुणी दम देऊन बोलत असेल तर त्याला घरात घुसून मारण्याची देखील हिंमत आहे.
मंत्रीपद मिळणे किंवा न मिळणे हा विषय आपल्या अधिकार क्षेत्रातला नाही. तो मुख्यमंत्री आणि उपमुख्यमंत्री यांचा अधिकार आहे. माझे नेते मुख्यमंत्री आणि उपमुख्यमंत्री हे आहेत. त्या दोन्ही नेत्यांचा आदर-सन्मान करून दोन पावले मी मागे आलो आहे आणि दिलगिरी व्यक्त केली आहे. कुणाचेही मन दुखावू नये म्हणून तो विषय मी संपवला आहे. पण वारंवार मी रवी राणाला माफ करणार नाही, असा दम आ. कडू देत असेल, तर मलाही उत्तर द्यावे लागेल. तुला कुणी सांगितले मला माफ करायला, तुझ्यामध्ये एवढी हिंमत असेल तर तू कसा निवडून येतो ते पाहा. वेळ सांगेल की बच्चू कडू पुन्हा आमदार बनेल की नाही बनणार, अशा एकेरी शब्दात आ. राणा यांनी आव्हान दिले आहे.
