नातेवाईकावरील अंत्यसंस्कारानंतर अस्थी गोळा करण्यासाठी चाललेल्या दाम्पत्यावर काळाचा घाला; टिप्परच्या धडकेत मृत्यू

मेहकर तालुक्यातील जानेफळ ते लोणी गवळी मार्गावर आज, सॊमवारी ही भीषण दुर्घटना घडली. देविदास भिवसन पवार ( ५०) व इंदूबाई देविदास पवार ( ४४) अशी मृतांची नावे आहेत. ते मोहना ( ता. मेहकर) येथील रहिवासी होते. विश्वी येथील त्यांच्या नातेवाईकाचे निधन झाले. अंत्यसंस्कार आटोपले. यानंतर अस्थी आणि राखड गोळा करण्यासाठी स्मशानभूमीच्या दिशेने ते आपल्या दुचाकीने निघाले. दरम्यान, जानेफळ ते लोणी गवळी मार्गावर मागून येणाऱ्या भरधाव टिप्परने त्यांच्या दुचाकीला धडक दिली. यात त्यांचा जागीच मृत्यू झाला. घटनेनंतर टिप्पर चालकाने पळ काढला.