वर्धा : नागरिकांना त्राहीमाम करून सोडणारा कुख्यात गुन्हेगार दीक्षित उर्फ गुठली मिलिंद भगत याच्या मुसक्या पोलिसांनी आवळल्या आहेत. अवैध दारुविक्री सोबतच शस्त्राच्या धाकावर जरब बसविणे, खुनाचा प्रयत्न, गुंडांना सोबत घेत हल्ला करणे अश्या स्वरुपाचे विविध १९ गुन्हे त्याच्यावर २०१६ ते २०२३ दरम्यान दाखल झाले होते.
हेही वाचा – बुलढाणा: रायपूर परिसराला मुसळधार पावसाने झोडपले, नदीला पूर,भाविकांची वाहने अडकली
दीक्षितला एकदा तडीपार करतानाच अनेकदा प्रतिबंधात्मक कारवाई त्याच्यावर करण्यात आली होती. पण तरीही त्याची गुन्हेगारी सुरूच होती. अलीकडेच गुठलीने जबरी चोरीचा गुन्हा केला होता. अखेर त्याला अद्दल घडविण्यासाठी त्याच्या विरोधात एमपीडीएअंतर्गत स्थानबद्ध करण्याचा प्रस्ताव तयार झाला. अखेर तो मंजूर करण्यात आला. त्याला अटक करून नागपूरच्या मध्यवर्ती कारागृहात पाठविण्यात आले आहे. ही कारवाई हिंगणघाटवासियांना दिलासा देणारी ठरली आहे.