नागपूर : देशभरात सायबर गुन्हेगारांच्या टोळ्या सक्रीय झाल्या असून सर्वाधिक सायबर गुन्हेगार छत्तीसगढ, राजस्थान आणि बिहार राज्यात कार्यरत आहेत. देशातील ‘टॉप-२०’ सायबर गुन्हेगारांच्या शहरांमध्ये मुंबईचा शेवटचा क्रमांक आहे, अशी माहिती पोलिसांच्या संकेतस्थळावरुन समोर आली आहे. देशभरात सर्वाधिक आर्थिक फसवणूक सायबर गुन्हेगारांनी केली आहे. अन्य फसवणुकींच्या तुलनेत भारतातील नागरिकांना सायबर गुन्हेगारांनी गंडा घालण्याचे प्रमाण मोठे आहे. देशात एका महिन्यात जवळपास १० हजारांवर सायबर गुन्हे घडत आहेत. देशातील कोणत्याही राज्यातील व्यक्तीची ‘डिजीटल’ आर्थिक फसवणूक झाल्यास त्यामध्ये छत्तीसगढ, राजस्थान आणि बिहार या राज्यातील सायबर गुन्हेगारांचा सहभाग नक्कीच असल्याचे पोलीस तपासात समोर येते. त्यामुळे देशभरात सर्वाधिक सायबर गुन्हेगारी छत्तीसगढमधील जामतारा, देवघर, दुमका या शहरातील सायबर गुन्हेगारांनी केल्याची सर्वाधिक शक्यता असते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
