आले मना, केली घोषणा हे योग्य नाही!; अजित पवारांची मुख्यमंत्र्यांवर टीका

सोमवारी या संदर्भात अधिवेशनात बोलणार आहे. गोविंदांना ५ टक्के आरक्षण देणार अशी घोषणा केली, तेव्हा मी प्रश्न उपस्थित केले नाहीत. मात्र ही घोषणाच अयोग्य आहे. मुख्यमंत्री ज्या ठाण्याचे प्रतिनिधित्व करतात, तिथे गोविंदांची संख्या जास्त आहे. त्या गोविंदांना मला नाउमेद करायचे नाही. पण या गोविंदांना आरक्षण देऊन नोकरी देणार आणि जी मुले-मुली स्पर्धा परीक्षेची तयारी करताहेत, त्यांचे काय? मुख्यमंत्री झाल्यानंतर असे भावनिक निर्णय घ्यायचे नसतात. देवेंद्र फडणवीस उपमुख्यमंत्री आहेत, त्यांना मुख्यमंत्री म्हणून पाच वर्षांचा अनुभव आहे. एक मला विम्याचा मुद्दा पटला, मात्र ५ टक्के आरक्षणाची घोषणा योग्य नाही. ही घोषणा करताना मुख्यमंत्री क्रीडा विभाग किंवा कोणाशीही बोलले नाही, याकडेही पवार यांनी लक्ष वेधले.