‘आनंदवन’ला तीन कोटींचा निधी, उपमुख्यमंत्र्यांकडून तातडीची मदत; ‘लोकसत्ता’च्या वृत्ताची दखल

आनंदवन महारोगी सेवा समिती ही कुष्ठरुग्णांची तसेच अंध, अपंग, मुकबधीरांची सेवा करणारी संस्था बाबा आमटे व साधनाताई आमटे यांनी उभी केली. शासनाकडे चार कोटींपेक्षा अधिकची रक्कम प्रलंबित असल्याने या संस्थेसमोर असंख्य आर्थिक अडचणी निर्माण झाल्या आहेत. संस्थेचे विश्वस्त तथा बाबा आमटे यांचे नातू कौस्तुभ आमटे यांनी आनंदवन आर्थिक अडचणीत असल्याची व्यथा मांडली होती. आनंदवनाची ही व्यथा ‘लोकसत्ता’ने वृत्त स्वरूपात ४ जानेवारीच्या अंकात प्रकाशित केली होती. या वृत्ताची दखल उपमुख्यमंत्री अजित पवार यांनी घेतली आणि कुष्ठरुग्णांचे उपचार आणि पुनर्वसनासाठी एक कोटी ८६ लाख रुपये, आनंद अंध, मूकबधिर आणि संधीनिकेतन दिव्यांग कार्यशाळेसाठी एक कोटी २२ लाख रुपये, असे एकूण तीन कोटी आठ लाख रुपयांचा निधी तातडीने वितरित करण्याचे निर्देश दिले. उपमुख्यमंत्र्यांच्या निर्देशानंतर निधी वितरित करण्याची कार्यवाही तातडीने पूर्ण करण्यात आली आहे.

आणखी वाचा

बुलढाण्यातील ‘केस गळती’ची मोदी सरकारकडून दखल; दिल्ली, चेन्नईतील डॉक्टरांची पथकं येणार, ICMR कडून संशोधन सुरू, केंद्रीय मंत्र्याची माहिती

Ravindra Chavan : ‘उपरा’ डोंबिवलीकर ते भाजप प्रदेश…

राष्ट्रवादीच्या मंत्र्यांचा जनता संवाद उपक्रम; आठवड्यातील तीन दिवस मंत्री पक्षाच्या मुख्यालयात

‘महात्मा फुले जन आरोग्य योजने’तील रुग्णालयांची स्वतंत्र पथकामार्फत चौकशी!

चांदिवली – असल्फादरम्यानच्या मिसिंग लिंक प्रकल्पातील अडथळा दूर, महापालिकेने पाच बांधकामे हटवली

जिरवा जिरवीच्या राजकारणामुळे विरोधकांचा आकार एकदम छोटा, जयंत पाटलांकडून खंत

मुंबई महापालिकेच्या अर्थसंकल्पासाठी सूचना पाठविण्याचे नागरिकांना आवाहन; प्रशासक राजवटीतील तिसरा आयुक्त भूषण गगराणी यांचा पहिलाच अर्थसंकल्प

Nitin Gadkari : “आमदारांना आणि त्यांच्या लोकांना…”, संभाव्य पालकमंत्र्यांना नितीन गडकरींचा सल्ला!

हेही वाचा : अकोला : अनुसूचित जातीच्या विद्यार्थ्यांची शिष्यवृत्ती धोक्यात: महाविद्यालयांची टाळाटाळ अन्…

दिवंगत बाबा आमटे आणि साधनाताई आमटे यांनी कुष्ठरुग्णांच्या सेवेसाठी ७५ वर्षांपूर्वी १९४९ मध्ये चंद्रपूर जिल्ह्याच्या वरोरा तालुक्यातील आनंदवन येथे महारोगी सेवा समितीची स्थापना केली. संस्थेचे यंदा अमृतमहोत्सवी वर्ष आहे. संस्था आर्थिक अडचणीत असल्याची बाब संस्थेचे सचिव डॉ. विकास आमटे यांनीही उपमुख्यमंत्री अजित पवार यांच्या लक्षात आणून दिली होती. यामुळे महारोगी सेवा समितीसमोरील आर्थिक अडचणी दूर होण्यास मदत होणार आहे.