वर्धा: दारूची लत सुटण्यासाठी घेतली जडीबुटी, थोड्याच वेळात…

समुद्र्पुर तालुक्यातील झुणका येथील मंगेश दामोधर जामूनकर या चाळीस वर्षीय इसमास दारूचे व्यसन जडले होते. पंधरा वर्षांपासून दारू पिणे सुरू असल्याने कुटुंब त्रस्त झाले होते. त्यालाही दारू पासून सुटका करायची असल्याने त्याने उपाय शोधणे सुरू केले. त्यात त्याला एका परिचित व्यक्तीने पारंपरिक सल्ला दिला. आयुर्वेदातील औषधी सांगितली. ही जडीबुटी उपयोगी ठरेल म्हणून त्याने औषधी घेतली. मात्र काही क्षणातच मंगेशची तब्येत बिघडली. घाबरलेल्या लहान भाऊ सचिन याने त्यास सेवाग्रामच्या रुग्णालयात दाखल केले.पण उपचारादरम्यान मंगेशचे निधन झाले.
गिरड पोलीस या प्रकरणी तपास करीत आहे.जडीबुटी सांगणारा अद्याप पुढे आला नाही.