वर्धा : चुलीतून आगीचा भडका उडाला अन् क्षणात होत्याचे नव्हते झाले; युवकाचा होरपळून मृत्यू

वर्धा : शहरालगतच्या पुलफैल या झोपडपट्टी परिसरात घडलेली घटना दुर्दैवाची परिसीमाच ठरावी. गॅस सिलिंडर संपल्याने बाळू मसराम (२७) चूल पेटवण्यास बसला. एकाएकी चुलीतून आगीचा भडका उडाला आणि झोपडीवजा घराने पेट घेतला. त्यात बाळू होरपळून निघाला. त्याचा जागीच मृत्यू झाला. सुदैवाने त्याची पत्नी व मुलगा घराबाहेर असल्याने ते वाचले.

हेही वाचा – “पारस मंदिर दुर्घटनेला अघोरी पूजा, अंधश्रद्धा जबाबदार!”, कृषिमंत्री अब्दुल सत्तार म्हणाले, “सरकार चौकशी करणार”

हेही वाचा – व्याघ्र व्यवस्थापनात महाराष्ट्राची ‘डरकाळी’, वाघांच्या संख्येत दुपटीने वाढ; वनमंत्री मुनगंटीवारांच्या नेतृत्वात वनखात्याची दर्जेदार कामगिरी

मृत बाळू मसराम मजुरीचे काम करीत होता. या घटनेमुळे मजुरी करून जगणाऱ्या मसराम कुटुंबावर मोठे संकट ओढवले असून, परिसरही सुन्न झाला आहे. शहर पोलीस या प्रकरणी पुढील तपास करीत आहे.