गोंदिया : सापाच्या रूपात काळाचाच चावा ; सख्ख्या भावंडांचा मृत्यू

रात्री मागच्या दारातून साप आत आला. तो बिछान्यावर चढला व त्याने दोघाही भावांना दंश केला. काहीतरी चावल्याचा भास झाल्‍याने जाग आली. पाहिले असता साप चावल्याचे लक्षात आले. दोघाही भावांना आधी तुमसर येथील शासकीय रुग्णालयात व नंतर भंडारा येथील शासकीय रुग्णालयात नेण्यात आले. परंतु, थोरला भाऊ उत्कर्ष याचा रात्री मृत्यू झाला. धाकटा सुशील याला रात्रीच नागपूर येथील शासकीय रुग्णालयात हलवण्यात आले. मात्र त्याचा देखील आज सोमवारी सकाळी उपचारादरम्यान मृत्यू झाला.