पूर्व विदर्भावर डेंग्यूचे सावट; सर्वाधिक रुग्ण गोंदियात!

पूर्व विदर्भातील नागपूर, वर्धा, भंडारा, गोंदिया, चंद्रपूर, गडचिरोलीत या सहा जिल्ह्यात १ जुलै २०२२ ते ७ जुलै २०२२ दरम्यान डेंग्यूचे ३४ नवीन रुग्ण आढळले. त्यापैकी सर्वाधिक २४ रुग्ण हे केवळ गोंदिया जिल्ह्यातील आहेत. नागपूर जिल्ह्यात ५, वर्धा जिल्ह्यात ५ नवीन रुग्ण आढळले आहेत.

हल्ली नागपूरच्या शहरी व ग्रामीण भागासह पूर्व विदर्भातील इतरही जिल्ह्यांत डासांचा प्रकोप वाढत आहे. त्यामुळे आरोग्य विभागाने वेळीच सर्वत्र मोठ्या प्रमाणावर किटकनाशकांची फवारणी व इतर उपाय न केल्यास येथे डेंग्यूचा प्रकोप वाढण्याची शक्यता आहे.

गेल्यावर्षी सर्वाधिक रुग्णांची नोंद –

पूर्व विदर्भातील सहा जिल्ह्यांमध्ये वर्ष २०२१ मध्ये डेंग्यूचे ३ हजार ६२८ रुग्ण आढळले होते. यापैकी २४ रुग्णांचे मृत्यू झाले होते