गुन्हेगारांच्या टोळ्या संपवून शहर अंमली पदार्थमुक्त करणार! गुन्हे शाखेचे पोलीस उपायुक्त मुमक्का सुदर्शन यांचा संकल्प

सुदर्शन म्हणाले, नागपुरात ड्रग्स, गांजा किंवा अंमली पदार्थांची निर्मिती होत नाही. परंतु, मुंबई, गोवा व अन्य राज्यातून तस्करी करून ते नागपुरात आणले जाते. त्यात नागपूर पोलिसांनी ‘ड्रग्स फ्री नागपूर सिटी’ अभियानाला सुरुवात केली असून येत्या काही दिवसांतच नागपुरातील अंमली पदार्थ तस्करांच्या टोळ्या गजाआड होतील. नागपुरात एकही हुक्का पार्लर सुरू राहणार नाही तसेच गांजा विक्रीला अजिबात थारा दिला जाणार नाही. गुन्हे शाखेने नुकताच १२०० किलो गांजा जाळून नष्ट केला व तब्बल २०० आरोपींविरुद्ध गुन्हे दाखल केले. ३०० आरोपींवर गुन्हे शाखा लक्ष ठेवून आहे. प्रत्येक पोलीस ठाण्यात “नार्को कॉप्स” पथक तयार करण्यात आले असून अंमली पदार्थ विकले जाणाऱ्या ठिकाणांची यादी केली जात आहे.

आणखी वाचा

नैना’प्रकल्पांचे उद्या भूमिपूजन, पंतप्रधानांच्या हस्ते भूमिपूजनानंतर शेतकऱ्यांचा रोष वाढण्याची शक्यता

Bigg Boss Marathi 5: सर्व एलिमिनेटेड सदस्यांची घरात…

‘स्वलेखन’ ॲपद्वारे दृष्टीहिनांना डिजिटल युगाचे दार खुले करणाऱ्या उमा बडवे

मुंबईकरांच्या निरोगी आणि सुदृढ आरोग्यात स्वच्छता कर्मचाऱ्यांचा मोलाचा वाटा, पालिका आयुक्त भूषण गगराणी यांचे प्रतिपादन

विश्लेषण: गिबन माकड जोडीदाराला आकर्षित करण्यासाठी चक्क नृत्य करते? काय सांगते नवे संशोधन?

मुखत्यारनाम्यासंबंधी आरोप निराधार; कल्याणी समूहाचे स्पष्टीकरण, कायदेशीर मार्गाने उत्तर देण्याचेही प्रतिपादन

सर्वकार्येषु सर्वदा: विद्यार्थ्यांच्या शिक्षणासाठी ‘आधार माणुसकीचा’!

कृत्रिम तलावांमध्ये गणपती विसर्जन करणाऱ्या गणेश भक्तांचा आयुक्तांच्या हस्ते सन्मान, जलप्रदूषण रोखण्यासाठी कडोंमपाचा उपक्रम

प्रतिबंधात्मक कारवाईत नागपूर राज्यात पहिले

आधी नागपुरात गुन्हेगारांच्या टोळ्या कार्यरत होत्या. मात्र, पोलीस आयुक्त अमितेश कुमार यांच्या आक्रमक भूमिकेमुळे गुन्हे शाखेने गुंडांवर कारवाई केली. टोळीतील सदस्यांना मध्यवर्ती कारागृहात डांबले. एमपीडीए, मकोका आणि प्रतिबंधात्मक कारवाई करण्यात नागपूर पोलीस राज्यात पहिल्या क्रमांकावर आहे.

बालगुन्हेगारी रोखण्याचे आव्हान

सध्या बालगुन्हेगारी ही पोलिसांसमोरील मोठे आव्हान आहे. अल्पवयीन मुले गुन्हेगारीकडे वळू नये म्हणून गुन्हे शाखेच्या पथकांकडून प्रयत्न केले जात आहेत. बालगुन्हेगारांसाठी आयुक्तालयाने ‘केअर’ नावाचे अभियान सुरू केले आहे. तेथे कोवळ्या मनावर पोलीस आणि सामाजिक संस्थांच्यावतीने चांगले संस्कार केले जात आहेत.

महिला सुरक्षेला प्राधान्य

राज्यात मुली-महिला बेपत्ता होण्याचे प्रमाण वाढले असले तरी नागपूर पोलिसांच्या गुन्हे शाखेने सर्वाधिक बेपत्ता मुलींचा शोध घेतला आहे. बलात्कार, छेडखानी, विनयभंग, शेरेबाजी आणि मुलींना त्रास देणाऱ्यांना दामिनी पथक धडा शिकवत आहे. फुटाळा, अंबाझरी तलावासह उद्यानातसुद्धा दामिनी पथक गस्त घालते. मुली-महिलांसाठी भयमुक्त नागपूर करण्यासाठी पोलीस प्रयत्न करीत आहेत.

एएचटीयू-भरोसाचे यश

गुन्हे शाखेची शाखा म्हणून एएचटीयू आणि भरोसा सेल नागपुरात कार्यरत आहेत. एएचटीयूने राज्यात बाळ विक्री करणाऱ्या सर्वाधिक ५९ आरोपींना अटक केली. १६ नवजात बाळांना कुटुंबीयांच्या ताब्यात दिले. राज्यातील पहिला मकोका नागपुरात लावण्यात आला. भरोसा सेलने सामाजिक बांधिलकी जपून घरगुती वाद, कौटुंबिक वाद, ज्येष्ठ नागरिकांना सेवा, अनैतिक संबंध, प्रेमसंबंधातून होणारे गुन्हे यावर अंकुश मिळवला. अनेक संसाराची विस्कटलेली घडी पुन्हा बसवून दिली.

सडकी सुपारी, शासकीय धान्य, सुगंधित तंबाखू, गो-तस्कर आणि ड्रग्स तस्करांवर गुन्हे शाखेचे लक्ष आहे. कोणत्याही पद्धतीची तस्करी नागपुरात चालणार नाही. सुपारी आणि धान्य तस्करीवर कारवाई करण्यात येत आहे. तसेच सेक्स रॅकेटशी संंबंधित आरोपींवरही कारवाई सुरू आहे. गुन्हेगारमुक्त आणि गुन्हेगारीमुक्त शहर निर्माण करण्यास पोलीस कटिबद्ध आहेत, असेही मुमक्का सुदर्शन यांनी सांगितले.