वर्धा : अशी ही बनवाबनवी; सरपंच कुणाचे, दावा कुणाचा

वर्धा : राजकारणात धुरळा उडवून देण्याचे काम एक फंडाच समजल्या जातो. त्यामुळे कोण कुणाची कशी फसगत करेल, हे सांगता येत नाही. समाज माध्यमातून मेट हिरजी येथील सरपंच पुष्पाताई चारोडे व सुसुंद येथील सरपंच अंकुश ठाकरे यांचा भाजपामध्ये प्रवेश झाल्याचे सांगण्यात आले. हे दोन्ही सरपंच खरे तर काँग्रसचे. मग भगवा व कमळ दुपट्टा घालून यांनी भाजपा प्रवेश कसा केला, असा प्रश्न काँग्रेसचे माजी आमदार अमर काळे यांना पडला.