नागपूर विद्यापीठाचे कुलगुरू डॉ. चौधरींकडून राज्यपालांच्या आदेशाची अवहेलना!

हेही वाचा- उपराजधानीत काँग्रेसचे ‘हाथ से हाथ जोडो’ अभियान

आणखी वाचा

आमदाराच्या नावाने कंपनी मालकाकडे पैशांची मागणी

Nana Patole : निकालाआधी राजकीय घडामोडींना वेग; यातच…

Shreyas Iyer: श्रेयस अय्यरच्या खांद्यावर ‘या’ संघाने कर्णधारपदाची दिली जबाबदारी! अजिंक्य रहाणेही अय्यरच्या नेतृत्त्वाखाली खेळणार

भाजपचे राष्ट्रीय सरचिटणीस विनोद तावडे यांचे मोठे वक्तव्य, म्हणाले…!

भावांनी घरातच केली केशरची शेती, प्रगत तंत्रज्ञान वापरून मातीशिवाय हवेत वाढतात झाडे, वाचा त्यांचा प्रेरणादायी प्रवास

“महेशने विचारलं टक्कल करशील का? मी लगेच…”, सविता मालपेकरांनी सांगितला ‘काकस्पर्श’चा किस्सा, म्हणाल्या…

अमेरिकेच्या इतिहासात पहिल्यांदाच ‘चीफ ऑफ स्टाफ’पदी महिला ऑफिसरची नियुक्ती; कोण आहेत सूसी विल्स? या पदाचे महत्त्व काय?

मुख्यमंत्री एकनाथ शिंदे हेच महायुतीचे कर्णधार – खासदार नरेश म्हस्के

विद्यापीठाच्या विविध संघटनांमध्ये शिक्षण मंचाचे वर्चस्व आहे. त्यामुळे व्यवस्थापन परिषदेवर राज्यपाल नामित सदस्य म्हणून वर्णी लागावी यासाठी डॉ. पांडे यांचे प्रयत्न सुरू होते. कुलगुरू डॉ. चौधरी यांनीही त्यांच्या नावाची शिफारस केली होती. मात्र, त्यांना डावलून राज्यपालांनी व्यवस्थापन परिषदेवर समय बनसोड यांची नियुक्ती केली. मागील काही वर्षांपासून विद्यापीठामध्ये शिक्षण मंच आणि अखिल भारतीय विद्यार्थी परिषदेमध्ये वादाची ठिणगी उडाली आहे. त्यात अभाविपचे माजी प्रदेश संघटनमंत्री राहिलेले समय बनसोड यांची निवड झाल्याने अभाविपचे विद्यापीठातील पारडे जड असल्याचे बोलले जात आहे. बनसोड यांची ६ जानेवारीला नियुक्ती करण्यात आली. त्याच्या आठ दिवसांनीच अधिसभेवरही राज्यपाल नामित दहा सदस्यांनी यादी जाहीर करण्यात आली. यामध्ये माजी खासदार अजय संचेती यांचा मुलगा निर्भय संचेती, कविता लोया, शुभांगी नक्षीने, राज मदनकर,डॉ. कुमुद रंजन, डॉ. किशोर इंगळे, डाॅ. विजय इलोरकर, डॉ. उर्मिला क्षीरसागर, ॲड. निरजा जवाडे, महेंद्र लामा यांचा समावेश आहे. यातील बहुतांश सदस्य हे अखिल भारतीय विद्यार्थी परिषदेशी संबंधित आहेत. राज्यपालांकडून त्यांच्या नावांची घोषणा झाली की विद्यापीठाला स्वत: परिपत्रक काढून या सदस्यांची नावे जाहीर करावी लागतात. असे असतानाही राज्यपालांकडून नावे जाहीर होऊनही अद्याप परिपत्रक काढलेले नाही. त्यामुळे राज्यपालांच्या आदेशाची कुलगुरूंकडून अवहेलना केली जात असल्याचा आरोप होत आहे.

हेही वाचा- आता अनिल देशमुख यांना त्यांच्या मतदार संघात जाता येणार का?

अभाविपच्या सदस्यांची निवड झाल्याने विलंब?

अभाविप आणि शिक्षण मंच या दोन्ही उजव्या विचारांच्या संघटना आहे. भाजपच्या शाखा म्हणून शैक्षणिक क्षेत्रात काम करतात. नागपूर विद्यापीठामध्ये या संघटनांचे वर्चस्व असताना काही कारणांनी दोघांमध्येही वादाची ठिणगी उडाली. अभाविपच्या सदस्यांनी अनेकदा कुलगुरूंच्या चुकीच्या धोरणाविरोधातही आवाज उठवला. राज्यपालांकडून अधिसभा आणि व्यवस्थापन परिषदेवर नियुक्त्या करताना अभाविच्या सदस्यांना झुकते माप दिल्याचे दिसते. त्यामुळे कुलगुरूंकडून राज्यपालांच्या आदेशानंतरही परिपत्रक काढले जात नसल्याची चर्चाही आहे.