अल्पवयीन मुलीचे अपहरण करून अत्याचार करणाऱ्याला दुहेरी जन्मठेप

यानंतर पीडित मुलगी ही बेशुध्दावस्थेत नाल्यात आढळून आली होती. तिला लागलीच सरकारी रुग्णालयामध्ये दाखल करण्यात आले. पीडिता ही दीड महिना रुग्णालयात भरती होती. शुध्दीवर आली असता पोलिसांनी तिचा जबाब नोंदवून घेतला. त्यावरून कन्हान पोलिसांनी गुन्हा दाखल करून आरोपीला अटक केली. न्यायालयात एकूण १९ साक्षीदार तपासण्यात आले.

हेही वाचा : वाशीम : धरणात पोहण्याची हौस जिवावर बेतली; युवकाचा बुडाल्याने मृत्यू ; – दुसऱ्या दिवशी सापडला मृतदेह

दोन्ही बाजू ऐकूण न्यायालयाने आरोपीला भादंविच्या कलम ३६३ , २३५ (२) मध्ये पाच वर्षांचा कारावास, तीन हजार रूपये दंड, दंड न भरल्यास एक महिना कारावास, कलम ३0७ , २३५ (२) मध्ये जन्मठेप, पाच हजार रूपये दंड, दंड न भरल्यास तीन महिने कारावास, कलम ३८७ , कलम २३५ (२) मध्ये जन्मठेप तसेच पाच हजार रूपये दंड, दंड न दिल्यास सहा महिने कारावास, अशी शिक्षा ठोठावली. सरकारतर्फे अ‍ॅड. आसावरील पळसोडकर यांनी बाजू मांडली.